കേരളം
ഇന്ത്യ ബുക്ക് ഓഫ് റെക്കോർഡിൽ ഇടം നേടി രണ്ടര വയസുകാരി സൈന ഷഫീർ
പൊതുവിജ്ജാന മേഖലയിൽ മികവ് കാട്ടി ഇന്ത്യൻ ബുക്ക് ഓഫ് റെക്കോർഡിൽ ഇടം നേടി രണ്ടര വയസുകാരി. ആലപ്പുഴ നൂറനാട് ടൗൺവാർഡിൽ ബൈത്തുൽ റഹ്മയിൽ ഷഫീർ എസ് – ഹസീന ഹനീഫ ദമ്പതികളുടെ മകൾ സൈന ഷഫീർ ആണ് ഈ കൊച്ചു മിടുക്കി. പൊതുവിജ്ഞാനത്തിൽ ഉള്ള സൈനയുടെ താല്പര്യമാണ് ഈ റെക്കോർഡിന് പിന്നിൽ.
ഇന്ത്യയെയും ഉപഗ്രഹങ്ങളെ കുറിച്ചുമുള്ള ചോദ്യങ്ങൾക്ക് ഉത്തരം നൽകിയാണ് പൊതുവിജ്ഞാനത്തിൽ മികവ് കാട്ടിയത്. കേരളത്തിലെ ജില്ലകളെ പറ്റിയും, ദേശിയ ഗാനം ആലപിച്ചും, കാർട്ടൂൺ കഥപാത്രങ്ങളെ തിരിച്ചറിഞ്ഞും, വിപരീത പദങ്ങൾ, മഴവില്ല് നിറങ്ങൾ, എന്നീ വിഷയങ്ങൾ ആയിരുന്നു യോഗ്യത റൗണ്ടിലുണ്ടായിരുന്നത്.
ആലപ്പുഴ ഭരണിക്കാവ് ബ്ലോക്ക് പഞ്ചായത്ത് പ്രസിഡന്റ്, എസ്. രജനി മറ്റു അംഗങ്ങൾ എന്നിവർ ഈ കൊച്ചു മിടുക്കിയെ വീട്ടിലെത്തി അഭിനന്ദിച്ചു.