വിനോദം
അനധികൃതമായി പാടം നികത്തി; പൃഥ്വിരാജ് ചിത്രത്തിന്റെ സെറ്റ് നിര്മ്മാണം തടഞ്ഞു
![1217363 vaariyamkunnan prithviraj sukumaran](https://citizenkerala.com/wp-content/uploads/2023/11/1217363-vaariyamkunnan-prithviraj-sukumaran.webp)
അനധികൃതമായി പാടം നികത്തിയെന്ന പരാതിയില് പൃഥ്വിരാജ് ചിത്രത്തിന്റെ സെറ്റ് നിര്മ്മാണം തടഞ്ഞു. പൃഥ്വിരാജ് നായകനായ ‘ഗുരുവായൂരമ്പല നടയില്’ എന്ന ചിത്രത്തിന്റെ സെറ്റ് നിര്മാണമാണ് പെരുമ്പാവൂര് നഗരസഭ തടഞ്ഞത്. അനധികൃതമായി മണ്ണിട്ടു നികത്തിയ സ്ഥലത്ത് സിനിമാ സെറ്റ് നിര്മിക്കുന്നതിന് എതിരെ നഗരസഭ സ്റ്റോപ്പ് മെമ്മോ നല്കി.
വെട്ടിക്കനാക്കുടി വി.സി.ജോയിയുടെ മകന് ജേക്കബ് ജോയിയുടെ ഉടമസ്ഥതയില് 12ാ ം വാര്ഡില് കാരാട്ടുപളളിക്കരയിലാണു ഗുരുവായൂര് അമ്പലത്തിന്റെ മാതൃക നിര്മിക്കുന്നത്. പാടം മണ്ണിട്ടു നികത്തിയെന്ന പരാതിയുടെ അടിസ്ഥാനത്തിലാണ് നഗരസഭയുടെ നടപടി.
സെറ്റ് നിര്മാണത്തിന് അധികൃതര് അനുമതി വാങ്ങിയിട്ടില്ലെന്നു നഗരസഭാ അധികൃതര് പറയുന്നത്. എന്നാല് നിര്മാണത്തിന് അനുമതിക്കായി അപേക്ഷ നല്കിയിട്ടുണ്ടെന്നും കൗണ്സില് യോഗത്തില് പരിഗണിക്കാമെന്നാണ് അറിയിച്ചിരിക്കുന്നതെന്നും സിനിമയുടെ അണിയറ പ്രവര്ത്തകര് പറഞ്ഞത്. പ്ലൈവുഡും കഴകളും സ്റ്റീല് സ്ക്വയര് പൈപ്പും പോളിത്തീന് ഷീറ്റും ഉപയോഗിച്ച് ഒരു മാസത്തോളമായി ഇവിടെ നിര്മ്മാണ പ്രവൃത്തികള് നടക്കുന്നിരുന്നു. വിപിന് ദാസാണ് സിനിമയുടെ സംവിധായകന്.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement