കുടിവെള്ള ക്ഷാമം പരിഹരിക്കാൻ നിരീക്ഷണ സെൽ നിലവിൽവന്നു

വേനലിലെ കുടിവെള്ള ക്ഷാമം പരിഹരിക്കുന്നതിനും വിതരണം കാര്യക്ഷമമാക്കുന്നതിനുമായി വാട്ടർ അതോറിട്ടിയുടെ പരിഹാര നിരീക്ഷണ സെൽ നിലവിൽവന്നു. 1916 എന്ന ടോൾ ഫ്രീ നമ്പരിൽ 24 മണിക്കൂറും പരാതി സ്വീകരിക്കും. 9495998258 എന്ന വാട്‌സ്ആപ്പ് നമ്പരിലും മെസഞ്ചർ വഴിയും പരാതി സ്വീകരിക്കും. മാർച്ച് 15 മുതൽ മേയ് 31 വരെ ലഭിക്കുന്ന പരാതികൾ അക്വാലൂം സോഫ്റ്റ് വെയറുമായി ബന്ധിപ്പിച്ച് അവലോകനം ചെയ്യും.

ജില്ലാതലത്തിൽ പരാതി സ്വീകരിക്കുന്നതിന് സൂപ്രണ്ടിംഗ് എൻജിനിയറുടെ ഓഫീസിൽ ജില്ലാതല കൺട്രോൾ റൂം സജ്ജമാക്കി. രാവിലെ ഒമ്പത് മുതൽ രാത്രി ഒമ്പത് വരെയും അത്യാവശ്യ ഘട്ടങ്ങളിൽ 24 മണിക്കൂറും പ്രവർത്തിക്കും. ജില്ലാതല പ്രവർത്തനം ഏകോപിപ്പിക്കാൻ നോഡൽ ഓഫീസർമാരെയും ചുമതലപ്പെടുത്തി.അടിയന്തര അറ്റകുറ്റപ്പണിക്ക് ബ്ലൂ ബ്രിഗേഡ് സംവിധാനം കാര്യക്ഷമമാക്കും.

ജലവിതരണം കാര്യക്ഷമമാണോ എന്ന് നിരീക്ഷിക്കാനായി പ്രത്യേക സ്‌ക്വാഡ് രൂപീകരിക്കും. അടിക്കടി ചോർച്ചയുണ്ടാകുന്ന സ്ഥലങ്ങളുടെ വിവരശേഖരണം നടത്തി പരിഹരിക്കാൻ സംവിധാനം ഉറപ്പാക്കും. ജലക്ഷാമമുള്ള സ്ഥലങ്ങളിൽ തദ്ദേശ സ്വയംഭരണ വകുപ്പിന്റെ സാമ്പത്തിക സഹായത്തോടെ താത്കാലിക സംഭരണികൾ സ്ഥാപിക്കും. ജലദുരുപയോഗം, മോഷണം എന്നിവ കണ്ടെത്തുന്നതിനായി ആൻഡിതെഫ്റ്റ് സ്‌ക്വാഡ് രൂപീകരിക്കും.

 ജില്ലാതല കൺട്രോൾ റൂം നമ്പരുകൾ

തിരുവനന്തപുരം- 0471 2322303
കൊല്ലം- 0474 2742993
പത്തനംതിട്ട- 0468 2222670
കോട്ടയം- 0481 2563701
ആലപ്പുഴ- 0477 2237954
എറണാകുളം- 0484 2361369
ഇടുക്കി- 0485 2835637
തൃശൂർ- 0487 2333070
പാലക്കാട്- 0491 2546632
കോഴിക്കോട്- 0495 2370095
വയനാട്- 0493 6220422
മലപ്പുറം- 9188127925
കണ്ണൂർ- 04972 707080
കാസർകോട്- 04994 255544