കേരളം
കറുകച്ചാലിൽ മലവെള്ളപ്പാച്ചിൽ; പത്തനംതിട്ടയിൽ മലയോര മേഖലയിൽ കനത്ത മഴ മുന്നറിയിപ്പ്
കറുകച്ചാൽ പുലിയളക്കാലിൽ മലവെള്ളപ്പാച്ചിൽ. മാന്തുരുത്തിയില് വീടുകളില് വെള്ളം കയറി. നെടുമണ്ണി– കോവേലി പ്രദേശങ്ങളില് ജലനിരപ്പ് ഉയര്ന്നു. രണ്ട് വീടിന്റെ മതിലുകള് തകര്ന്നു. നെടുമണ്ണി പാലം വെള്ളത്തില് മുങ്ങി.
പത്തനംതിട്ടയില് കോട്ടാങ്ങലിലും ചുങ്കപ്പാറയിലും വീടുകളില് വെള്ളം കയറി. കടകളില് വെള്ളം കയറി വ്യാപക നാശനഷ്ടമുണ്ടായെന്നും റിപ്പോർട്ടുകളുണ്ട്. കോട്ടയത്തും പത്തനംതിട്ടയിലും കനത്ത മഴ തുടരുകയാണ്.
അതിനിടെ സംസ്ഥാനത്തെ മലയോര മേഖലയിൽ കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട് ജില്ലകളില് ജാഗ്രത നിര്ദേശം നൽകി. കോട്ടയം മുതല് കാസര്കോട് വരെ യെലോ അലര്ട്ട് പ്രഖ്യാപിച്ചു.