Covid 19
രാജ്യത്ത് കോവിഡ് രണ്ടാം തരംഗത്തിനുശേഷം പ്രതിരോധ ഉല്‍പ്പന്നങ്ങളുടെ വിപണിയില്‍ വന്‍ ഇടിവ്
രാജ്യത്ത് കൊറോണ രണ്ടാം തരംഗ വ്യാപനം നിയന്ത്രണ വിധേയമായിക്കഴിഞ്ഞു. ജാഗ്രത കൈവിടാം എന്നല്ല ഇതിനര്‍ത്ഥം. മൂന്നാം തരംഗ വ്യാപനത്തെ കുറിച്ചുള്ള സൂചനകള്‍ ആരോഗ്യ വകുപ്പ് ഇതിനോടകം നല്‍കിയിട്ടുണ്ട്. അതുകൊണ്ട് തന്നെ കൂടല്‍ ജാഗരൂഗരായിരിക്കേണ്ട സമയമാണിത്. എന്നാല്‍ ഇന്ത്യയില്‍ രണ്ടാം തരംഗ വ്യാപനത്തിനുശേഷം ആളുകള്‍ വളരെ നിസാരമായാണ് രോഗവ്യാപനത്തെ കാണുന്നതെന്നാണ് റിപ്പോര്‍ട്ടുകള്‍.
ലോകത്ത് ആദ്യമായി കൊറോണ വ്യാപനം പൊട്ടിപ്പുറപ്പെട്ടപ്പോള്‍ പ്രതിരോധിക്കാനായി ലോകാരോഗ്യ സംഘടന തന്നെ നിര്‍ദ്ദേശിച്ച ഉപാധിയാണ് സാനിറ്റൈസറുകളും പ്രതിരോധശേഷി വര്‍ദ്ധിപ്പിക്കുന്ന മള്‍ട്ടിവിറ്റമിനുകളും. അന്ന് വിപണിയില്‍ ആവശ്യകതയേറിയ വസ്തുക്കളായിരുന്നു ഇവയെല്ലാം. എന്നാല്‍ രണ്ടാം തരംഗ വ്യാപനത്തിനുശേഷം ഇവയുടെ വിപണിയില്‍ വന്‍ ഇടിവാണ് ഉണ്ടായിരിക്കുന്നത്.
ജനങ്ങളില്‍ കൊറോണ ഭീതി ഒഴിയുന്നതുപോലെ ജാഗ്രതയും കുറയുന്നു എന്നതിന്റെ സൂചനയാണിതെന്ന് ആരോഗ്യവിദഗ്‌ദ്ധര്‍ ചൂണ്ടിക്കാണിക്കുന്നു. കഴിഞ്ഞ വര്‍ഷം 77.5 കോടി കൊറോണ പ്രതിരോധ ഉല്‍പ്പന്നങ്ങളുടെ വില്‍പ്പനയാണ് നടന്നത്.എന്നാല്‍ രണ്ടാം തരംഗ വ്യാപനം വര്‍ദ്ധിച്ച 2021 മെയ് മാനസത്തിലാവട്ടെ വെറും 47 കോടി ഉല്‍പ്പനങ്ങളുടെ വില്‍പ്പന മാത്രമാണ് നടന്നത്. അതായത് 40 ശതമാനം ഇടിവ്. ജനങ്ങളില്‍ കൊറോണ ഭീതി ഒഴിയുന്നതുപോലെ ജാഗ്രതയും കുറയുന്നു.
വാക്‌സിനുകള്‍ വന്നതാവാം ഇതിനു കാരണം. എന്നാല്‍ ഇവ പൂര്‍ണ്ണ സുരക്ഷ ഉറപ്പു നല്‍കാത്തിനാല്‍ കൊറോണ പ്രതിരോധ ഉല്‍പ്പന്നങ്ങള്‍ ഉപേക്ഷിക്കരുതെന്ന് ആരോഗ്യ വകുപ്പ് നിര്‍ദ്ദേശിച്ചിരുന്നു. എന്നാല്‍ ജനങ്ങള്‍ ഇവയെല്ലാം മറന്ന് നിര്‍ദ്ദേശങ്ങള്‍ കാറ്റില്‍ പറത്തുന്ന സ്ഥിതിയാണ് നിലവില്‍.ജാഗ്രത കൈവിടുന്നതിലൂടെ വലിയ വിപത്താണ് ജനങ്ങള്‍ ക്ഷണിച്ചുവരുത്തുന്നത്. ഒരാളുടെ ഇത്തരത്തിലുള്ള പ്രവൃത്തി ഒരു ജനതയെ തന്നെ ബാധിക്കുന്നു.
