കേരളം
ഇന്ധനവിലക്കൊപ്പം ടയര് വിലയും ഉയരുന്നു
ഇന്ധന വില കുതിച്ചതോടൊപ്പം ടയര് വിലയും വര്ധിച്ചതോടെ ട്രക്കുകളുടെ വാടക കൂട്ടി ഉടമകള്. ട്രക്ക് വാടകയില് ആറ് ആഴ്ചകൊണ്ട് 13% വര്ധനയാണുണ്ടായത്. ടയര് കമ്ബനികള് ഡിസ്കൗണ്ട് പിന്വലിച്ചതിനാല് ഒരു ജോഡി ടയറുകള് വാങ്ങുന്നതിന് ഇപ്പോള് 3,000-3,500 രൂപ അധികം നല്കേണ്ടിവരുന്നതായും ട്രക്ക് ഉടമകള് പറയുന്നു.
ജനുവരി മുതല് ഫെബ്രുവരി 16 വരെ ട്രങ്ക് റൂട്ടുകളിലെ ട്രക്ക് വാടക 12-13 ശതമാനം വര്ധിച്ചതായി ഇന്ത്യന് ഫൗണ്ടേഷന് ഓഫ് ട്രാന്സ്പോര്ട്ട് റിസര്ച്ച് & ട്രെയിനിങിലെ (ഐഎഫ്ടിആര്ടി) സീനിയര് ഫെലോയും കോര്ഡിനേറ്ററുമായ എസ്.പി.സിങ് പ്രമുഖ ദേശീയ മാധ്യമത്തോട് പറഞ്ഞു.ഈ വര്ധനവിന്റെ പകുതിയും കഴിഞ്ഞ രണ്ടാഴ്ചയ്ക്കുള്ളിലാണ് ഉണ്ടായതെന്നും സിങ് പറഞ്ഞു.
‘ശൈത്യകാലമായതിനാല് പച്ചക്കറികളും പഴങ്ങളും ഭക്ഷ്യവസ്തുക്കളും കൂടുതല് ദൂരേക്ക് എത്തിക്കേണ്ടിവരുന്നുണ്ട്. കാര്ഷിക ഉല്പാദന മാര്ക്കറ്റ് കമ്മിറ്റി (എ.പി.എം.സി)കളിലേക്കുള്ള യാത്രയില് 30-40 ശതമാനം വര്ധനയുണ്ടായി .ഓട്ടോമൊബൈല് കമ്ബനികള് ഉള്പ്പടെ ഉള്ളവരില് നിന്ന് ചരക്ക് നീക്കം വര്ധിച്ചിട്ടുണ്ട്. അതിനാല് വാടക വര്ധിപ്പിക്കാതെ നിവൃത്തിയില്ല’ -സിങ് പറഞ്ഞു.
. ഉപഭോക്തൃ ചരക്ക് 5-6 ശതമാനവും സിമന്റ് സ്റ്റീല് 5-10 ശതമാനവും വര്ധിച്ചിട്ടുണ്ട്.
ഡല്ഹി-മുംബൈ-ദില്ലി ട്രങ്ക് റൂട്ട് നിരക്ക് 2019 ജനുവരി-ഡിസംബര് മാസങ്ങളില് ശരാശരി 86,400 രൂപയില് നിന്ന് 2021 ജനുവരി 1 വരെ 1,18,200 രൂപയായും ഫെബ്രുവരി 1 ന് 1,25,300 രൂപയായും ഉയര്ന്നു. ഇത് ഫെബ്രുവരി 16 ന് 1,31,000 രൂപയായി.
ഡല്ഹി -ചെന്നൈ-ദില്ലി റൂട്ട് 2019 ജനുവരി-ഡിസംബര് മാസങ്ങളില് ശരാശരി 1,17,900 രൂപയില് നിന്ന് 2021 ജനുവരി ഒന്നിന് 1,27,700 രൂപയായും ഫെബ്രുവരി 1 ന് 1,37,900 രൂപയിലും ഫെബ്രുവരി 16 ആയപ്പോള് 1,44,000 രൂപയായും വര്ധിച്ചിട്ടുണ്ട്.
The post ഇന്ധനവിലക്കൊപ്പം ടയര് വിലയും കൂടി; ട്രക്കുകളുടെ വാടക വര്ധിപ്പിച്ച് ഉടമകള്