കേരളം
ഇന്ന് റമദാൻ ഒന്ന്; ഇനിയുള്ള 30 ദിനങ്ങൾ പുണ്യം തേടിയുള്ള ദിനരാത്രങ്ങൾ
ഇന്ന് റമദാൻ ഒന്ന്; ഇനി 30 ദിനം സ്വയം നവീകരണത്തിൻ്റെയും ആത്മ ശുദ്ധീകരണത്തിൻ്റെയും രാപ്പകലുകള് ഇനിയുള്ള 30 ദിനങ്ങൾ ഇസ്ലാം വിശ്വാസികള്ക്ക് പുണ്യം തേടിയുള്ള ദിനരാത്രങ്ങളാണ്.
പകല് മുഴുവൻ അന്നപാനീയങ്ങള് ഉപേക്ഷിച്ച് ശരീരവും മനസ്സും പരമകാരുണീയനായ നാഥനില് സമർപ്പിച്ച് വിശ്വാസികള് വ്രതം അനുഷ്ഠിക്കും. സ്വയം നവീകരണത്തിൻ്റെയും ആത്മ ശുദ്ധീകരണത്തിൻ്റെയും രാപ്പകലുകളാണ് ഇനി.
നോമ്പ് നോറ്റ് വ്രതം അനുഷ്ഠിച്ച് ഈ നാളുകളില് പുണ്യപ്രവർത്തി ചെയ്താല് 700 മുതല് 70,000 വരെ ഇരട്ടി പ്രതിഫലം ലഭിക്കുമെന്നാണ് വിശ്വാസം. ഇസ്ലാമിക വിശ്വാസ പ്രകാരം എല്ലാ സുഖദുഃഖങ്ങളും വെടിഞ്ഞ് ഏറ്റവും അനുഗൃഹീതവും പുണ്യവും ഭയഭക്തിനിർഭരവും ആത്മീയമായി വളരെ ഗുണപരവുമായ മാസമാണിത്.
രാത്രികാലങ്ങളില് നിർവഹിക്കുന്ന ദൈർഘ്യമേറിയ തറാവീഹ് നമസ്കാരം റമദാനിലെ ഒരു പ്രത്യേകതയാണ്. ജാതി മത ഭേദമന്യേ ബന്ധങ്ങള് ഊട്ടി ഉറപ്പിക്കുന്ന ഇഫ്താറുകളും റമദാനിലെ ഒരു വിശ്വാസമാണ്. പുണ്യങ്ങളുടെ പൂക്കാലമായ റമദാൻ വീണ്ടും വസന്തം സമ്മാനിക്കുമ്ബോള് ആത്മ നിർവൃതിയിലാണ് ഓരോ വിശ്വാസികളും.
