എസ്ബിഐ പിഒ പ്രിലിമിനറി ഫലം പ്രസിദ്ധീകരിച്ചു

സ്റ്റേറ്റ് ബാങ്ക് ഓഫ് ഇന്ത്യ യുടെ പ്രൊബേഷണറി ഓഫീസർ തസ്തികയിലേക്ക് നടന്ന പ്രാഥമിക പരീക്ഷ ഫലം പ്രഖ്യാപിച്ചു. നവംബർ 20, 21,27 എന്നീ മൂന്ന് ദിവസങ്ങളിലായിട്ടാണ് പരീക്ഷ നടന്നത്. എസ് ബി ഐ പ്രൊബേഷണറി ഓഫീസർ തസ്തികയിലേക്കുള്ള പരീക്ഷയെഴുതിയ ഉദ്യോ​ഗാർത്ഥികൾക്ക് ഔദ്യോ​ഗിക വെബ്സൈറ്റായ sbi.co.in വഴി പരീക്ഷാ ഫലം പരിശോധിക്കാവുന്നതാണ്.

2056 പ്രൊബേഷണറി ഓഫീസർമാരുടെ ഒഴിവിലേക്കുള്ള നിയമനത്തിന്റെ ആദ്യപടിയായിട്ടാണ് പ്രിലിമിനറി പരീക്ഷ നടത്തിയത്. ഈ വർഷം 10 ലക്ഷത്തോളം വിദ്യാർത്ഥികൾ ഈ ഒഴിവുകളിലേക്ക് അപേക്ഷിച്ചതായി റിപ്പോർട്ടുകൾ ചൂണ്ടിക്കാണിക്കുന്നു. പ്രിലിമിനറി പരീക്ഷ പാസ്സായവർക്ക് പ്രധാന പരീക്ഷ എഴുതാൻ യോ​ഗ്യത ലഭിക്കും. പ്രധാന പരീക്ഷ തീയതി പിന്നീട് പ്രഖ്യാപിക്കുന്നതായിരിക്കും. രജിസ്ട്രേഷൻ നമ്പറും ജനനതീയതിയും ഉപയോ​ഗിച്ച് പരീക്ഷ ഫലം പരിശോധിക്കാം.

ഉദ്യോ​ഗാർത്ഥികൾ സ്റ്റേറ്റ് ബാങ്ക് ഓഫ് ഇന്ത്യയുടെ കരിയർ പോർട്ടൽ sbi.co.in സന്ദർശിക്കുക. ഹോംപേജിൽ ‘Recruitment of Probationary Officers, Marks Secured by the Candidate എന്ന ലിങ്കിൽ ക്ലിക്ക് ചെയ്യുക. രജിസ്ട്രേഷൻ നമ്പറും ജനനതീയതിയും ഉപയോ​ഗിച്ച് ലോ​ഗിൻ ചെയ്യുക. പ്രിലിമിനറി പരീക്ഷയുടെ മാർക്ക് സ്ക്രീനിൽ കാണാം. പിന്നീടുള്ള ആവശ്യങ്ങൾക്കായി മാർക്ക് ഷീറ്റ് ഡൗൺലോഡ് ചെയ്ത് സൂക്ഷിക്കാവുന്നതാണ്. ഉടൻ തന്നെ പ്രധാന പരീക്ഷ തീയതിയും പ്രഖ്യാപിക്കുമെന്ന് പ്രതീക്ഷിക്കുന്നു. കൂടുതൽ അപ്ഡേഷൻസിനായി ഉദ്യോ​ഗാർത്ഥികൾ ഔദ്യോ​ഗിക വെബ്സൈറ്റ് കൃത്യമായി പരിശോധിക്കുക.