കേരളം
കവിയും ഗാനരചയിതാവുമായ എസ്. രമേശന് നായര് അന്തരിച്ചു
കവിയും ഗാനരചയിതാവുമായ എസ്. രമേശന് നായര് അന്തരിച്ചു. കൊറോണ ബാധയെ തുടര്ന്ന് ചികിത്സയിലായിരുന്നു. കൊച്ചിയിലെ സ്വകാര്യ ആശുപത്രിയില് അല്പം മുന്പായിരുന്നു മരണം സ്ഥിരീകരിച്ചത്. 500 ലധികം ഗാനങ്ങള് രചിച്ചിട്ടുണ്ട്. പ്രസിദ്ധമായ ഹൈന്ദവ ഭക്തിഗാനങ്ങളും രമേശന് നായരുടെ തൂലികയില് പിറന്നിട്ടുണ്ട്. 2010-ലെ കേരളസാഹിത്യ അക്കാദമിയുടെ സമഗ്രസംഭാവനയ്ക്കുള്ള പുരസ്കാരവും. 2018 ലെ കേന്ദ്ര സാഹിത്യ അക്കാദമി പുരസ്കാരം അദേഹത്തിന് ലഭിച്ചിട്ടുണ്ട്.
ഗുരുപൗര്ണ്ണമി എന്ന കാവ്യസമാഹാരത്തിനാണ് 2018-ലെ കേന്ദ്ര സാഹിത്യ അക്കാദമി പുരസ്കാരവും ലഭിച്ചത്. ആറാം വെണ്ണിക്കുളം സ്മാരക പുരസ്കാരം, ആശാന് പുരസ്കാരം എന്നിവ രമേശന് നായര്ക്ക് ലഭിച്ചിട്ടുണ്ട്. 1948 മെയ് 3ന് കന്യാകുമാരി ജില്ലയിലെ കുമാരപുരത്തായിരുന്നു ജനനം. പരേതരായ ഷഡാനനന് തമ്ബിയും പാര്വ്വതിയമ്മയുമാണ് മാതാപിതാക്കള്. കേരള ഭാഷാ ഇന്സ്റ്റിറ്റ്യൂട്ടില് സബ് എഡിറ്ററായും ആകാശവാണിയില് നിര്മ്മാതാവായും രമേശന് നായര് പ്രവര്ത്തിച്ചിരുന്നു.
1985ല് പുറത്തിറങ്ങിയ പത്താമുദയം എന്ന ചലച്ചിത്രത്തിലെ ഗാനങ്ങള് രചിച്ചുകൊണ്ടാണ് മലയാളചലച്ചിത്ര രംഗത്തേക്ക് പ്രവേശിക്കുന്നത്. തപസ്യ കലാസാഹിത്യ വേദിയുടെ സംസ്ഥാന പ്രസിഡണ്ടായിരുന്നു. തൃശ്ശൂര് വിവേകോദയം സ്കൂള് റിട്ട. അദ്ധ്യാപികയും എഴുത്തുകാരിയുമായ പി. രമയാണ് ഭാര്യ. ഏക മകന് മനു രമേശന് സംഗീതസംവിധായകനാണ്.
ഹൃദയവീണ, പാമ്ബാട്ടി, ഉര്വ്വശീപൂജ, ദുഃഖത്തിന്റെ നിറം, കസ്തൂരിഗന്ധി, അഗ്രേപശ്യാമി, ജന്മപുരാണം, കളിപ്പാട്ടങ്ങള്, ചരിത്രത്തിന്നു പറയാനുള്ളത് എന്നിവയാണ് പ്രധാന കൃതികള്. തിരുക്കുറല്, ചിലപ്പതികാരം എന്നീ കൃതികളുടെ മലയാള വിവര്ത്തനവും, സ്വാതിമേഘം, അളകനന്ദ, ശതാഭിഷേകം, വികടവൃത്തം തുടങ്ങിയ നാടകങ്ങളും രചിച്ചിട്ടുണ്ട്.