കേരളം
കേരളത്തില് ബലിപെരുന്നാള് 21 ന്
കേരളത്തിൽ ബലിപെരുന്നാൾ ജുലൈ 21 ബുധനാഴ്ച. ഇന്നലെ മാസപ്പിറവി കാണാതിരുന്നതിനാൽ നാളെ ദുല്ഹിജ്ജ ഒന്നും 21ന് ബലിപെരുന്നാളും ആയിരിക്കുമെന്ന് ദുൽഹജ്ജ് മാസപ്പിറവി നിർണയ കമ്മിറ്റി അറിയിച്ചു.
ഗൾഫ് രാജ്യങ്ങളിൽ ജൂലൈ 20നാണ് ബലിപെരുന്നാൾ. മാസപ്പിറവി ദൃശ്യമാകാത്തതിനെ തുടർന്ന് ദുൽഹജ്ജ് ഒന്ന് ഞായറാഴ്ച ആയിരിക്കുമെന്നും അറഫ ദിനം ജൂലൈ 19 ആയിരിക്കുമെന്നും അധികൃതർ അറിയിച്ചു. സൗദി സുപ്രീം കോടതി ഇക്കാര്യം കഴിഞ്ഞ ദിവസം പ്രഖ്യാപിച്ചിരുന്നു.
ഇതോടെ ഹജ്ജിനുള്ള അവസാന ഘട്ട ഒരുക്കങ്ങളിലേക്ക് തീര്ഥാടകരും അധികൃതരും കടന്നു. ഹജ്ജ് ചടങ്ങുകള്ക്ക് ദുല്ഹിജ്ജ എട്ടിനാണു (ജൂലൈ 18) തുടക്കം കുറിക്കുക.ദുല്ഹജ്ജ് ഏഴിന് വൈകീട്ടോടെ തന്നെ ഹാജിമാര് മക്കയില് നിന്നും നീങ്ങി തുടങ്ങും. ജൂലൈ 23 ന് (ദുല്ഹജ്ജ് 13) ചടങ്ങുകള് അവസാനിക്കും.
ദുല്ഹിജ്ജ മാസപ്പിറവി ദര്ശിക്കാനും വിവരം നല്കാനും രാജ്യത്തെ മുഴുവന് ആളുകളോടും സഊദി സുപ്രീം കോടതി നേരത്തെ നിര്ദേശം നല്കിയിരുന്നു.ഇത്തവണ ഹജ്ജ് കര്മത്തില് സഊദിക്കകത്തെ സ്വദേശികളും വിദേശികളും ഉള്പ്പെടെ 60,000 ആളുകളാണ് പങ്കെടുക്കുക.