പുത്തൻ ആരോഗ്യ നയം പ്രസംഗത്തിൽ ഇല്ലെന്ന് പ്രതിപക്ഷ നേതാവ്

രണ്ടാം പിണറായി സർക്കാരിന്റെ നയപ്രഖ്യാപന പ്രസംഗത്തിൽ വിമർശനവുമായി പ്രതിപക്ഷ നേതാവ് വിഡി സതീശൻ. കൊവിഡിന്റെ മൂന്നാം വ്യാപനം വരുമ്പോൾ എന്ത് നയം സ്വീകരിക്കും എന്ന് നയപ്രഖ്യാപനത്തിൽ ഉൾപ്പെടുത്തിയിട്ടില്ലെന്നാണ് വിഡി സതീശന്റെ വിമർശനം. കൂടാതെ കൊവിഡ് മരണ കണക്കിൽ ക്രമക്കേട് ഉണ്ടോ എന്ന് പരിശോധിക്കണമെന്നും വിഡി സതീശൻ ആവശ്യപ്പെട്ടു.

രണ്ടാം പിണറായി സർക്കാരിന്റെ നയപ്രഖ്യാപന പ്രസംഗത്തിൽ ആരോഗ്യമേഖലയിൽ സമഗ്ര പാക്കേജിന് 1000 കോടിയെന്ന് ഗവർണർ ആരിഫ് മുഹമ്മദ് ഖാൻ വ്യക്തമാക്കിയിരുന്നു. സംസ്ഥാനത്ത് 1206 ആയുർരക്ഷാ ക്ലിനിക്കുകൾ തുടങ്ങുമെന്നും ഗവർണർ നയപ്രഖ്യാപന പ്രസംഗത്തിൽ പറഞ്ഞിരുന്നു.