കേരളം
കെഎസ്ആര്ടിസി ദീര്ഘദൂര സര്വീസുകള് നാളെ മുതല് ആരംഭിക്കും
കെഎസ്ആര്ടിസി ദീര്ഘദൂര സര്വീസുകള് നാളെ മുതല് ആരംഭിക്കും. ആദ്യഘട്ടത്തില് യാത്രക്കാര് കൂടുതല് ഉള്ള റൂട്ടുകളിലാവും സര്വീസ് നടത്തുക. ഇരുന്നുമാത്രം യാത്ര ചെയ്യാനാണ് അനുമതി. യാത്രക്കാര്ക്ക് ടിക്കറ്റ് റിസര്വ് ചെയ്യാനുള്ള സൗകര്യവും ഒരുക്കിയിട്ടുണ്ട്.
ഇന്നലത്തെ ചീഫ് സെക്രട്ടറിയുടെ ഉത്തരവിന്റെ അടിസ്ഥാനത്തിലാണ് കെഎസ്ആര്ടിസി ദീര്ഘദൂരനടപടികള് ആരംഭിക്കാന് ആലോചിച്ചിട്ടുള്ളത്. ഏതെക്കെ സ്ഥലങ്ങളിലേക്കാണ് സര്വീസുകള് നടത്തുന്നത് സംബന്ധിച്ച് ചാര്ട്ട് തയ്യാറാക്കി വരികയാണെന്ന് സിഎംഡി ബിജുപ്രഭാകര് പറഞ്ഞു.
എന്നാല് ചീഫ് സെക്രട്ടറിയുടെ ഉത്തരവിലെ ഇളവുകള് സംബന്ധിച്ച് ആശയക്കുഴപ്പം നിലനില്ക്കുന്നുണ്ട്. ഇതില് ഏതെങ്കിലും തരത്തിലുള്ള തിരുത്തലുകള് ചീഫ് സെക്രട്ടറിയുടെ ഭാഗത്തുനിന്നുണ്ടായാല് സര്വീസ് നാളെ മുതല് നടത്താനുള്ള തീരുമാനം കെഎസ്ആര്ടിസി ഉപേക്ഷിക്കേണ്ടിവരും.
അതേസമയം സര്വീസുകള് ആരംഭിക്കുന്നതിനെതിരെ കടുത്ത എതിര്പ്പുമായി ആരോഗ്യ വകുപ്പ് രംഗത്തെത്തിയിട്ടുണ്ട്. സര്വീസ് ഉടനെ ആരംഭിക്കരുതെന്ന് ആരോഗ്യ വകുപ്പ് ഗതാഗത വകുപ്പ് മന്ത്രിയോടും, കെ.എസ്.ആര്.ടി.സി സിഎംഡിയോടും ആവശ്യപ്പെട്ടു.