കേരളം
സംസ്ഥാനത്ത് സ്വര്ണ വില ഇന്നും കൂടി
സംസ്ഥാനത്ത് സ്വര്ണ വില ഉയര്ന്നു. പവന് 320 രൂപ കൂടി. ഒരു പവൻ സ്വര്ണത്തിന് 36,560 രൂപയാണ് വില. ഒരു ഗ്രാമിന് 4,570 രൂപയും. രണ്ട് ദിവസം കൊണ്ട് സ്വര്ണ വിലയിൽ പവന് 560 രൂപയുടെ വര്ധന. ഇന്നലെ ഒരു പവൻ സ്വര്ണത്തിന് 36,240 രൂപയായിരുന്നു വില. ഇതായിരുന്നു ഇതിനു മുമ്പുള്ള ഈ മാസത്തെ ഏറ്റവും ഉയര്ന്ന നിരക്ക്.
ഡിസംബര് ഒന്ന്, രണ്ട് തിയതികളിൽ പവന് 35,680 രൂപയായിരുന്നു സ്വര്ണ വില. ഡിസംബര് മൂന്നിനാണ് ഈ മാസത്തെ ഏറ്റവും കുറഞ്ഞ നിരക്കിൽ സ്വര്ണ വില എത്തിയത്. ഒരു പവൻ സ്വര്ണത്തിന് 35,560 രൂപയായിരുന്നു വില. പിന്നീട് വില ഉയരുകയായിരുന്നു. ഈ മാസം ഇതുവരെ പവന് 880 രൂപയുടെ വര്ധനയാണുള്ളത്.
രാജ്യാന്തര വിപണിയിൽ ട്രോയ് ഔൺസ് വില 1800 ഡോളര് കടന്നു. ഔൺസിന് 1802.17 ഡോളറിലാണ് വ്യാപാരം. നവംബര് ഒന്നിന് പവന് 35,760 രൂപയായിരുന്നു സ്വര്ണ വില. നവംബര് മൂന്ന്, നാല് തിയതികളിൽ നവംബറിലെ ഏറ്റവും കുറഞ്ഞ നിരക്കിൽ ആയിരുന്നു സ്വര്ണ വില. ഒരു പവൻ സ്വര്ണത്തിന് 35,640 രൂപയായിരുന്നു വില. അതേസമയം നവംബര് 16ന് ആണ് നവംബറിലെ ഏറ്റവും ഉയര്ന്ന നിരക്കിൽ സ്വര്ണ വില എത്തിയത്. ഒരു പവൻ സ്വര്ണത്തിന് 36,920 രൂപയായിരുന്നു വില. എന്നാൽ പിന്നീട് വില ഇടിയുകയായിരുന്നു.
ഡോളര് കരുത്താര്ജിച്ചതിനു പിന്നാലെ യുഎസ് ബോണ്ടുകളിൽ നിന്നുള്ള വരുമാനം ഉയര്ന്നതും രാജ്യാന്തര വിപണിയിൽ സ്വര്ണ വില കുറയാൻ കാരണമായിരുന്നു. ഇതാണ് രാജ്യത്തെ ആഭ്യന്തര വിപണികളിലും പെട്ടെന്ന് സ്വര്ണ വില കുറയാൻ ഇടയാക്കിയത്. എന്നാൽ താൽക്കാലികമായി വില ഇടിഞ്ഞാലും സ്വര്ണ വില ഉയരാനുള്ള സാധ്യതകൾ നിരീക്ഷകര് ചൂണ്ടിക്കാട്ടുന്നുണ്ട്. ഉയര്ന്ന പണപ്പെരുപ്പ നിരക്കാണ് ഒരു കാരണം.