കേരളം
കാണാതായ കോളജ് വിദ്യാര്ഥിനി ജസ്ന സിറിയയില്; പ്രചാരണത്തില് വിശദീകരണവുമായി സിബിഐ
മുക്കൂട്ടുതറയില് നിന്ന് കാണാതായ കോളജ് വിദ്യാര്ഥിനി ജസ്ന സിറിയയിലാണെന്ന് സിബിഐ കണ്ടെത്തിയെന്ന പ്രചാരണം വ്യാജമെന്ന് സ്ഥിരീകരിച്ച് സിബിഐ. അത്തരം കണ്ടെത്തലുകളൊന്നും നടത്തിയിട്ടില്ലെന്നും ജസ്നയെ കണ്ടെത്തുന്നതിനുള്ള അന്വേഷണം പുരോഗമിക്കുകയാണെന്നും സിബിഐ വ്യത്തങ്ങള് അറിയിച്ചു.
സോഷ്യല് മീഡിയയിലടക്കം ജസ്ന സിറിയിയില് എന്ന നിലയില് പ്രചാരമുണ്ടായതോടെയാണ് സിബിഐയുടെ സ്ഥിരീകരണം. 2018 മാര്ച്ച് 22 നാണ് കാഞ്ഞിരപ്പള്ളി എസ്ഡി കോളേജിലെ രണ്ടാംവര്ഷ വിദ്യാര്ത്ഥിനി ആയിരുന്ന ജസ്ന മരിയ ജയിംസിനെ പത്തനംതിട്ട ജില്ലയിലെ മുക്കൂട്ടുതറയിലുള്ള വീട്ടില് നിന്ന് കാണാതായത്.
വിവിധ ഏജന്സികള് കേസ് അന്വേഷിച്ചിട്ടും ജസ്നയെ കണ്ടെത്താനായിരുന്നില്ല. തുടര്ന്ന് കൊച്ചിയിലെ ക്രിസ്ത്യന് അലയന്സ് ആന്റ് സോഷ്യല് ആക്ഷന് എന്ന സംഘടന നല്കിയ ഹര്ജിയിലാണ് കേസ് സിബിഐയ്ക്ക് കൈമാറിയത്. 2021 ഫെബ്രുവരിയിലാണ് കേസ് അന്വേഷണം ഹൈക്കോടതി സിബിഐയെ ഏല്പ്പിച്ചത്.