കേരളം
ഞാന്‍ ഒരു കമ്മ്യൂണിസ്റ്റുകാരനാണ്: കളഞ്ഞു കിട്ടിയ പേഴ്സ് തിരികെ നൽകി പങ്കൻ പറഞ്ഞത് ഇങ്ങനെ
വഴിയരികില്‍ നിന്നും കളഞ്ഞുകിട്ടിയ പേഴ്സും പണവും ഉടമയ്ക്ക് തിരിച്ച്‌ നല്‍കി വയോധികന്‍ മാതൃകയായി. പങ്കന്‍ അണ്ണന്‍ എന്ന് നാട്ടുകാര്‍ വിളിക്കുന്ന ചുമട്ടു തൊഴിലാളിയും പത്ര ഏജന്റുമായ പങ്കജാക്ഷനാണ് തനിക്ക് വഴിയരികില്‍ നിന്നും ലഭിച്ച പേഴ്സ് ഉടമയ്ക്ക് തിരികെ നല്‍കിയത്. പ്രതിഫലം നല്‍കാനൊരുങ്ങിയ ഉടമയോട് പങ്കന്‍ പറഞ്ഞ വാക്കുകള്‍ സോഷ്യല്‍ മീഡിയകളില്‍ ശ്രദ്ധേയമാകുന്നു.
നന്മ ചെയ്ത പങ്കജാക്ഷന് പാരിതോഷികം നല്‍കാന്‍ ശ്രമിച്ച ഉടമയോട് അദ്ദേഹം പറഞ്ഞതിങ്ങനെ ”ഞാന്‍ ഒരു കമ്മ്യൂണിസ്റ്റുകാരനാണ്. എനിക്ക് പാരിതോഷികം വേണ്ട. ഇനി നല്‍കിയേ പറ്റൂ എന്നാണെങ്കില്‍ നിങ്ങള്‍ തെരഞ്ഞെടുപ്പില്‍ എല്‍ഡിഎഫ് സ്ഥാനാര്‍ത്ഥിയായ വികെ പ്രശാന്തിന് ഒരു വോട്ട് ചെയ്താല്‍ മതി.’
പാരിതോഷികമായി എല്‍ഡിഎഫ് സ്ഥാനാര്‍ത്ഥിക്കൊരു വോട്ട് നല്‍കിയാല്‍ മതിയെന്ന പങ്കന്‍്റെ വാക്കുകള്‍ സോഷ്യല്‍ മീഡിയ ഏറ്റെടുത്തു.
കഴിഞ്ഞദിവസം പത്രം ഇടാനായി പോകുമ്ബോള്‍ തിരുവനന്തപുരം എസ്യുടി ആശുപത്രിക്ക് സമീപത്ത് നിന്നാണ് പങ്കജാക്ഷന് ബാഗ് ലഭിച്ചത്. തുറന്ന് നോക്കിയപ്പോള്‍ അതിനുള്ളില്‍ പതിനായിരം രൂപയിലധികമുണ്ടായിരുന്നു. ഉടന്‍ തന്നെ ബാഗിലെ കാര്‍ഡില്‍ നിന്നും കിട്ടിയ നമ്ബറില്‍ വിളിച്ച്‌ ഉടമയായ സ്ത്രീയെ വിവരം അറിയിച്ചു. തുടര്‍ന്ന് ബാഗ് സമീപത്തെ പൊലീസ് സ്റ്റേഷനില്‍ ഏല്‍പ്പിക്കുകയായിരുന്നു. ഉടമയും ഉടന്‍ തന്നെ സ്റ്റേഷനിലെത്തി. പങ്കന്‍ നേരിട്ട് ഉടമയ്ക്ക് പേഴ്സ് നല്‍കുകയായിരുന്നു.
-
n261640180d1b36c3e325c0c09c82f93848a996262dc3f361537561808478bb511f4af57e9
