കേരളം
സൗജന്യ ഭക്ഷ്യകിറ്റ് വിതരണം അടുത്തയാഴ്ച മുതല്; ഭക്ഷ്യകിറ്റില് പന്ത്രണ്ടിനം സാധനങ്ങള്
സംസ്ഥാന സര്ക്കാര് വിതരണം ചെയ്യുന്ന സൗജന്യ ഭക്ഷ്യകിറ്റില് ഈ മാസം പന്ത്രണ്ടിനം സാധനങ്ങള്. കഴിഞ്ഞ മാസത്തെ വിഷുകിറ്റിൽ പതിനാലിനം സാധനങ്ങളാണ് നല്കിയത്. ഇതില് നിന്ന് കടുകും സോപ്പും ഒഴിച്ച് പന്ത്രണ്ട് ഇനങ്ങള് നല്കാമെന്ന് സപ്ലൈകോ സര്ക്കാരിനെ അറിയിച്ചു.
അതിഥി തൊഴിലാളികള്ക്കുള്ള കിറ്റില് അഞ്ചുകിലോ അരിയും ഉള്പ്പെടുത്തും. രോഗപ്രതിരോധശേഷി വര്ധിപ്പിക്കാന് ഫോര്ട്ടിഫൈഡ് ആട്ട ഉള്പ്പെടുത്തും. വെള്ളിയാഴ്ചയോടെ വിതരണം തുടങ്ങാനാണ് നിര്ദേശമെങ്കിലും ജീവനക്കാര്ക്കിടയില് കോവിഡ് പടരുന്നത് കിറ്റ് തയാറാക്കല് ജോലികളെ ബാധിക്കുമോയെന്നാണ് ആശങ്ക
അതേ സമയം സംസ്ഥാനത്ത് സൗജന്യ ഭക്ഷ്യകിറ്റ് അടുത്തയാഴ്ച മുതല് വിതരണം ചെയ്യുമെന്ന് ഭക്ഷ്യമന്ത്രി പി. തിലോത്തമന്. ലോക്ഡൌൺ കാലത്ത് യാതൊരു ക്ഷാമവും വിലക്കയറ്റവും ഉണ്ടാകില്ല. കരിഞ്ചന്തയും പൂഴ്ത്തിവെയ്പ്പും തടയും. കഴിഞ്ഞ തവണ ലോക്ഡൌൺ കാലത്ത് സാധനങ്ങളെത്തിക്കാൻ ഏറെ പ്രശ്നങ്ങളും തടസങ്ങളുമുണ്ടായിരുന്നു. കപ്പലിലടക്കം ഭക്ഷ്യസാധനങ്ങൾ കൊണ്ടുവന്നാണ് വിതരണം നടത്തിയത്. ഇത്തവണ ചരക്ക് വാഹനങ്ങളെ തടയില്ലെന്നാണ് തീരുമാനം. അത് സഹായകമാകുമെന്നും അദ്ദേഹം കൂട്ടിച്ചേർത്തു.
ജില്ലാഭരണകൂടത്തിന്റെ നിർദ്ദേശാനുസരണമാകും റേഷൻ കാർഡില്ലാത്ത, അതിഥി തൊഴിലാളികൾക്കുള്ള ഭക്ഷ്യകിറ്റ് വിതരണം. അടച്ച് പൂട്ടലാണെന്നതിനാൽ തിരക്ക് കൂട്ടി സാധനങ്ങൾ വാങ്ങിക്കൂട്ടേണ്ട ആവശ്യമില്ല. കൊവിഡ് മാനദണ്ദങ്ങൾ പാലിച്ചെത്തി സാധനങ്ങൾ വാങ്ങാമെന്നും മന്ത്രി കൂട്ടിച്ചേർത്തു.