സെക്രട്ടറിയേറ്റിൽ കോവിഡ് പടരുന്നു

സെക്രട്ടറിയേറ്റിൽ കോവിഡ് പടരുന്നു. ഇവിടെ വിവിധ വകുപ്പുകളിൽ 60ഓളം ജീവനക്കാർക്കാണ് വൈറസ് ബാധിച്ചത്.

ഇതോടെ ധനവകുപ്പിലെ ഡവലപ്മെന്റ് ഹാൾ, ഹൗസിങ് സഹകരണ സംഘം എന്നികേന്ദ്രങ്ങൾ അടച്ചു. നിയമ വകുപ്പിലെയും പൊതുഭരണ വകുപ്പിലെയും ജീവനക്കാരിലാണ് കൂടുതലായി കോവിഡ് സ്ഥിരീകരിച്ചത്.

കഴിഞ്ഞ ദിവസം ഇവിടെ നടന്ന ക്യാന്റീൻ ഭരണസമിതി തിരഞ്ഞെടുപ്പിൽ 3000ത്തോളം ജീവനക്കാർ കൂട്ടത്തോടെ വോട്ടിങ്ങിനു എത്തിയത് വൈറസ് വ്യാപനത്തിന് ആക്കം കൂട്ടിയെന്നാണ് ആക്ഷേപം.

കോവിഡ് വ്യാപനം കണക്കിലെടുത്ത് പരിശോധന കൂട്ടണമെന്നും സെക്രട്ടറിയേറ്റിലെ ഹാജർ 50ശതമാനമായി പരിമിതപ്പെടുത്തണമെന്നും ജീവനക്കാരുടെ യൂണിയനുകൾ ആവശ്യപ്പെട്ടു.