കേരളം
സ്കൂള് കൗണ്സലേഴ്സിന് കോവിഡ് വാരിയര് പുരസ്ക്കാരം
എറണാകുളം ജില്ല വനിതാ ശിശു വികസന വകുപ്പ് സൈക്കോ സോഷ്യല് സര്വ്വീസിലെ 68വനിതാ കൗണ്സിലേഴ്സ് അടങ്ങുന്ന ടീമിനും ലോക് ഡൗണ് കാലത്ത് പ്രവര്ത്തിച്ചിരുന്ന എന്.എന്.എം കോര്ഡിനേറ്റേഴ്സിനെയും ഈസ്റ്റ് മാറാടി സര്ക്കാര് വി.എച്ച്.എസ് സ്കൂളിലെ എന്.എസ്.എസ് യൂണിറ്റും സൗക്കോളജിക്കല് റിസര്ച്ച് ആന്റ് ഡവലപ്പ്മെന്റ് കൗണ്സലിന്റെയും സഹകരണത്തോടെ ‘കോവിഡ് 19 വാരിയേഴ്സ്’ അഭിനന്ദന പത്രിക നല്കി ആദരിച്ചു.
ലോക്ഡൗണ് കാലം മുതല് ഒരു ദിവസം പോലും വിശ്രമമില്ലാതെ സജീവമായി ടെലികൗണ്സിലിംഗ് സേവനം നടത്തുന്നതിനും, അങ്കണവാടി വര്ക്കേഴ്സ് വഴി ലോക്ക് ഡൗണ് കാലത്ത് വയോജനങ്ങള്ക്ക് വേണ്ട മരുന്നും ആഹാരവും നല്കിയതിനും, ഒപ്പം സ്കൂളിലെയും അങ്കണവാടിയിലെയും കുട്ടികള്ക്ക് വേണ്ട കൗണ്സലിംഗും മാനസിക സപ്പോര്ട്ടും നല്കിയതിനുമുള്ള അംഗീകാരമായാണ് കോവിഡ് 19 വാരിയേഴ്സ്സ് പത്രിക നല്കുന്നതെന്ന് ഈസ്റ്റ് മാറാടി സ്കൂള് എന്.എസ് എസ് പ്രോഗ്രാം ഓഫീസര് സമീര് സിദ്ദീഖിയും സൈക്കോളജിക്കല് റിസര്ച്ച് ആന്റ് ഡവലപ്പ്മെന്റ് കൗണ്സില് ചെയര്മാന് ഡോ.മോഹന്ലാലും, ഫൗണ്ടര് ഡോ.ദേവിരാജും പറഞ്ഞു.
മാനസിക സമ്മര്ദ്ദം, അമിതോത്കണ്ഠ, വിഷാദാവസ്ഥ, ഉറക്കമില്ലായ്മ, തുടങ്ങിയ മോശം നിലകളിലേക്കുള്ള സ്വഭാവിക പതനങ്ങളില്നിന്നും കൈപിടിച്ചുയര്ത്താന് കൗണ്സിലേഴ്സിന്റെ ഈ ഇടപെടലിലൂടെ സാധിച്ചിട്ടുണ്ട്. കൃത്യമായി ഫോളോ- അപ്പുകള് നടത്തുന്നതിലും ഇവര് ശ്രദ്ധിക്കുന്നുണ്ട് . ഒറ്റക്കായി പോയ ആയിരത്തിലേറെ വയോജനങ്ങള്ക്ക് ഏറെ ആശ്വാസം കൊടുക്കാനും ഇവര്ക്ക് കഴിഞ്ഞിട്ടുണ്ട്.
ഏറ്റെടുക്കുന്ന മാനസിക സംഘര്ഷങ്ങള്ക്കുള്ള പരിഹാര നിര്ദ്ദേശം മാത്രമല്ല തദ്ദേശ സ്വയംഭരണ സ്ഥാപനങ്ങളുമായി ബന്ധപ്പെട്ട് ഈ പ്രശ്നങ്ങള്ക്ക് പരിഹാരം കാണുവാനും ശിശുവികസന പദ്ധതി ഓഫീസര്, വാര്ഡ്മെമ്പര്, അങ്കണവാടി, ആശപ്രവര്ത്തകര് എന്നിവര് വഴിസഹായങ്ങള് എത്തിക്കാനും ഈ ഫോണ് കോളുകള് സഹായകമാകാറുണ്ട്.
ജില്ലാ മാനസികാരോഗ്യ പദ്ധതിയോടൊപ്പം സഹകരിച്ച് നോഡല് ഓഫീസര് ഡോ.സൗമ്യ രാജ് ,ജില്ലയിലെ വനിതാ-ശിശുവികസന വകുപ്പ് ഓഫീസര് ജെബിന് ലോലിതാ സെയ്നിന്റെയും പ്രോഗ്രാം ഓഫീസര് മായാ ലക്ഷ്മിയുടെയും പൂര്ണ പിന്തുണയോടെയാണ് ഇത്തരം മാതൃകാ പ്രവര്ത്തനങ്ങള് നടത്തുന്നത്.