കേരളം
ബി.എസ്.സി. നഴ്സിങ്, പാരാമെഡിക്കല് കോഴ്സുകളുമായി ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്
ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ നഴ്സിങ്, പാരാമെഡിക്കല് കോഴ്സുകൾക്ക് അപേക്ഷിക്കാൻ അവസരം. ബി.എസ്.സി. (ഓണേഴ്സ്) നഴ്സിങ്, ബി.എസ്.സി. നഴ്സിങ് (പോസ്റ്റ് ബേസിക്), ബി.എസ്.സി.(പാരാമെഡിക്കൽ) കോഴ്സുകൾക്ക് ഇപ്പോൾ അപേക്ഷിക്കാം.
ബി.എസ്.സി. (ഓണേഴ്സ്) നഴ്സിങ്ങിന് ഇംഗ്ലീഷ്, ഫിസിക്സ്, കെമിസ്ട്രി, ബയോളജി എന്നിവ പഠിച്ച് 55 ശതമാനം മാർക്കോടെ പ്ലസ്ടു പാസാകണം. സംവരണ വിഭാഗങ്ങൾക്ക് 50 ശതമാനം മതി. ബി.എസ്.സി. (പാരാമെഡിക്കൽ) കോഴ്സിന് ഇംഗ്ലീഷ്, ഫിസിക്സ്, കെമിസ്ട്രി, ബയോളജി/മാത്തമാറ്റിക്സ് (കോഴ്സിനനുസരിച്ച്) വിഷയങ്ങളിൽ 50 ശതമാനം മാർക്കോടെ (പട്ടിക വിഭാഗക്കാർക്ക് 45 ശതമാനം) പ്ലസ്ടു പരീക്ഷ വിജയിക്കണം.
ബി.എസ്.സി. നഴ്സിങ് (പോസ്റ്റ് ബേസിക്) പഠനത്തിന് പ്ലസ്ടു, ജനറൽ നഴ്സിങ് ആൻഡ് മിഡ്വൈഫറി ഡിപ്ലോമ അല്ലെങ്കിൽ നഴ്സ് റജിസ്ട്രേഡ് നഴ്സ്, മിഡ്വൈഫ് രജിസ്ട്രേഷൻ അനിവാര്യമാണ്. ഏപ്രിൽ ആറിന് വൈകീട്ട് അഞ്ചിനകം https://aiimsexams.ac.in അല്ലെങ്കിൽ https://ugcourses.aiimsexams.orgവഴിയോ ബേസിക് റജിസ്ട്രേഷൻ പൂർത്തിയാക്കണം. അന്തിമപട്ടിക ഏപ്രിൽ 20-ന് പുറത്തുവിടും. അപേക്ഷ ഫോമുകളും പ്രോസ്പക്ടസും ഏപ്രിൽ 26ന് സൈറ്റിൽ ലഭ്യമാകും.