കേരളം
ആരോഗ്യ സര്വകലാശാല പരീക്ഷകളെഴുതാനെത്തുന്ന എല്ലാ വിദ്യാര്ഥികള്ക്ക് ആന്റിജന് ടെസ്റ്റ് നിര്ബന്ധമാക്കി
ആരോഗ്യ സര്വകലാശാലയ്ക്ക് കീഴിലെ വിവിധ കോഴ്സുകളുടെ തിയറി, പ്രാക്ടിക്കല് പരീക്ഷകളെഴുതാനെത്തുന്ന എല്ലാ വിദ്യാര്ഥികളും കൊവിഡ് ആന്റിജന് ടെസ്റ്റ് നിര്ബന്ധമാക്കി.
ആന്റിജന് നെഗറ്റീവ് സര്ട്ടിഫിക്കറ്റുള്ളവര്ക്ക് മാത്രമേ പരീക്ഷാ ഹാളിലേക്ക് പ്രവേശനമുണ്ടാകൂ എന്നും സര്വകലാശാല വാര്ത്താക്കുറിപ്പിലൂടെ അറിയിച്ചു.
അതേസമയം, രോഗലക്ഷണമുള്ളവരുടെ ആന്റിജന് ടെസ്റ്റ് നെഗറ്റീവാണെങ്കിലും ആര് ടി പി സി ആര് ചെയ്യേണ്ടിവരും. വിദ്യാര്ഥികള് അവിടെയെത്തുന്നതിനു മുന്പേ ആന്റിജന് ടെസ്റ്റ് നടത്തിയിരിക്കണം.
കൊവിഡ് ബാധിതരായിരുന്ന വിദ്യാര്ഥികള്ക്ക് രോഗം ബാധിച്ച് 17 ദിവസം പൂര്ത്തിയായിട്ടുണ്ടെങ്കില് പരീക്ഷയ്ക്കെത്താം. ഇതിനായി നെഗറ്റീവ് സര്ട്ടിഫിക്കറ്റ് കൊണ്ടുവരേണ്ടതില്ല. പരീക്ഷയ്ക്കിടയില് ലക്ഷണങ്ങളുണ്ടായാല് ആര് ടി പി സി ആര് ചെയ്യേണ്ടി വരും.
ലോക്ഡൗണ് സാഹചര്യത്തില് നേരത്തേ എം ബി ബി എസ് പരീക്ഷകള് മാത്രം നടത്താന് മുഖ്യമന്ത്രിയുടെ നേതൃത്വത്തില് നടന്ന ഗത്തില് തീരുമാനമായിരുന്നു. എന്നാല്, ഇളവുകള് പ്രഖ്യാപിച്ച സാഹചര്യത്തിലാണ് മറ്റ് കോഴ്സുകളിലെ പരീക്ഷകള്കൂടി ആരംഭിക്കാന് തീരുമാനിച്ചതെന്ന് വൈസ് ചാന്സലര് ഡോ. കെ. മോഹനന് അറിയിച്ചു.