അക്കര ഫൗണ്ടേഷന് ചൈൽഡ് പ്രൊട്ടക്റ്റ് ടീം കേരളയുടെ അനുമോദനം

ഭിന്ന ശേഷി മേഖലയിൽ പ്രവർത്തിക്കുന്ന മികച്ച സ്ഥാപനത്തിനുള്ള കേരള സർക്കാരിന്റെ 2020 വർഷത്തെ അംഗീകാരം നേടിയ അക്കര ഫൗണ്ടേഷൻ എന്ന സ്ഥാപനത്തെ ചൈൽഡ് പ്രൊട്ടക്റ്റ് ടീം കേരളയുടെ ഭാരവാഹികൾ ഉപഹാരം നൽകി അനുമോദിച്ചു.

കുട്ടികൾക്ക്  ഫിസിയോ തെറാപ്പി, സ്പീച്ച് തെറാപ്പി, ഒക്കുപാഷാണൽ തെറാപ്പി സ്പെഷ്യൽ എജുക്കേഷൻ, മ്യൂസിക് തെറാപ്പി എന്നിവ നൽകി വരുന്ന കാസറഗോഡ് ജില്ലയിലെ മുളിയാർ പഞ്ചായത്തിലെ കോട്ടൂരിലുള്ള സ്ഥാപനത്തിൽ എത്തിയാണ് സി.പി.ടി ഭാരവാഹികൾ അനുമോദനം നൽകിയത്.സി.പി.ടി സംസ്ഥാന പ്രെസിഡൻറ് സി കെ നാസർ ഉപഹാരം കൈമാറി. സേവന മനോഭാവവും അർപ്പണ മനോഭാവവുമുള്ള മാനേജ്മെൻറും ജീവനക്കാരുള്ളതിന്റെ തെളിവാണ് മികച്ച സ്ഥാപനത്തിനുള്ള സർക്കാരിന്റെ അംഗീകാരം എന്ന് ആശംസ അർപ്പിച്ച് സംസാരിച്ച സിപിടി സംസ്ഥാന ജനറൽ സെക്രട്ടറി സുനിൽ മളിക്കാൽ അഭിപ്രായപ്പെട്ടു.

സംസ്ഥാന വൈസ് പ്രെസിഡൻറ് ഉമ്മർ പാടലടുക്ക, സ്റ്റേറ്റ് കോർഡിനേറ്റർ സജി ഉസ്മാൻ കായംകുളം,സംസ്ഥാന സമിതി അംഗം നസീർ ചങ്ങനാശ്ശേരി,  കാസറഗോഡ് ജില്ലാ പ്രെസിഡൻറ് മൊയ്‌ദീൻ പൂവടുക്ക, ജില്ലാ സെക്രട്ടറി ജയപ്രസാദ് വാവടുക്കം, മറിയകുഞ്ഞി കൊളവയൽ, ഖാദർ പാറപ്പള്ളി എന്നിവർ സംബന്ധിച്ചു.

ഫിസിയോ തെറാപ്പി HOD ജിനിൽ രാജ്, സീനിയർ സൈക്കോളജിസ്റ്റ് റീമ, സ്പെഷ്യൽ എഡുക്കേഷൻ HOD ഷാനിബ, സ്പീച്ച് ആൻറ് ഹിയറിങ്ങ് HOD ദിയ സെബാസ്റ്റ്യൻ എന്നിവർ ചേർന്ന് ഉപഹാരം ഏറ്റുവാങ്ങി.