കൊച്ചി ഇൻഫോപാർക്കിന് സമീപം തീപിടുത്തം

കാക്കനാട് ഇൻഫോപാർക്ക് പോലീസ് സ്റ്റേഷന് സമീപം കെട്ടിടത്തിന് തീപ്പിടിച്ചു. പോലീസ് സ്റ്റേഷന് എതിർവശത്തായി പ്രവർത്തിക്കുന്ന ഹോട്ടലിന് പിന്നിലെ കെട്ടിടത്തിനാണ് തീപ്പിടിച്ചത്. ജിയോ ഇൻഫോടെക് എന്ന സ്വകാര്യ സ്ഥാപനത്തിന്റെ കെട്ടിടമാണിത്. തീയണയ്ക്കാൻ ഫയർഫോഴ്സ് ശ്രമം തുടരുകയാണ്. കൂടുതൽ ഫയർ എൻജിനുകൾ സ്ഥലത്തേക്ക് എത്തി.

കെട്ടിടത്തിൽ നിന്ന് വലിയ തീയും പുകയും ഉയരുന്നുണ്ട്. വൈകീട്ട് ആറുമണിയോടെയാണ് തീപ്പിടിത്തമുണ്ടായത്. ഓഫീസിനുള്ളിൽ ആളുകൾ കുടുങ്ങിക്കിടക്കുന്നുവെന്നാണ് വിവരം. ചിലർക്ക് പൊള്ളലേറ്റുവെന്ന് സംശയമുണ്ട്.

ആംബുലൻസ് സജ്ജമാക്കാൻ നിർദേശം നൽകി. ഓഫീസിലെ എ.സികൾ പൊട്ടിത്തെറിക്കുന്നതായും തീ കൂടുതൽ ഇടത്തേക്ക് വ്യാപിക്കുന്നതായും സംശയമുണ്ട്. രണ്ടാം ശനിയാഴ്ച ആയതിനാൽ സ്ഥാപനത്തിൽ ജീവനക്കാർ കുറവായിരുന്നു.