കേരളം
ചരിത്രനിമിഷം; രണ്ടാം പിണറായി സര്‍ക്കാര്‍ അധികാരമേറ്റു
ചരിത്രത്താളുകളില്‍ പുതിയ അധ്യായം രചിച്ച് രണ്ടാം പിണറായി സര്‍ക്കാര്‍ അധികാരമേറ്റു. ഗവര്‍ണര്‍ മുഹമ്മദ് ആരിഫ് ഖാന്‍ സത്യവാചകം ചൊല്ലിക്കൊടുത്തു. ദൃഡപ്രതിജ്ഞ ചെയ്താണ് പിണറായി അധികാരമേറ്റത്.
സിപിഎം ജനറല്‍ സെക്രട്ടറി സീതാറാം യെച്ചൂരി, പിബി അംഗങ്ങളായ എസ് രാമചന്ദ്രന്‍ പിള്ളി, എംഎ ബേബി, കോടിയേരി ബാലകൃഷ്ണന്‍, സിപിഐ സംസ്ഥാന സെക്രട്ടറി കാനം രാജേന്ദ്രന്‍ തുടങ്ങി പ്രമുഖ ഇടതുമുന്നണി നേതാക്കന്‍മാരെല്ലാം സത്യപ്രതിജ്ഞാ ചടങ്ങിനെത്തിയിരുന്നു. യുഡിഎഫ് നേതാക്കളാരും സത്യപ്രതിജ്ഞാ ചടങ്ങില്‍ പങ്കെടുത്തില്ല.
നിയമസഭാ തെരഞ്ഞെടുപ്പില്‍ 99 സീറ്റുകളാണ് എല്‍ഡിഎഫിന് ലഭിച്ചത്. സെന്‍ട്രല്‍ സ്റ്റേഡിയത്തില്‍ കോവിഡ് പ്രോട്ടോകോള്‍ പാലിച്ചായിരുന്നു സത്യാപ്രതിജ്ഞാ ചടങ്ങുകള്‍. പാസുള്ളവര്‍ക്ക് മാത്രമായിരുന്നു ചടങ്ങിലേക്ക് പ്രവേശനം അനുവദിച്ചിരുന്നുള്ളു.
സത്യപ്രതിജ്ഞക്ക് മുന്നേയായി മുഖ്യമന്ത്രി പിണറായി വിജയനും നിയുക്ത മന്ത്രിമാരും വയലാറിലെ വിപ്ലവമണ്ണിലെത്തി രക്ഷ്തസാക്ഷി മണ്ഡപത്തില്‍ പുഷ്പാര്‍ച്ചന നടത്തി. രാവിലെ ഒമ്പതിന് മുഖ്യമന്ത്രി പിണറായി വിജയന്‍ പുഷ്പചക്രം സമര്‍പ്പിച്ചു. തുടര്‍ന്ന് സിപിഎം, സിപിഐ മന്ത്രിമാരും നിയുക്ത സ്പീക്കറും പുഷ്പാര്‍ച്ചന നടത്തി.സിപിഎം സംസ്ഥാന സെക്രട്ടറിയുടെ താല്‍ക്കാലിക ചുമതലയുള്ള എ വിജയരാഘവനും പുഷ്പചക്രം അര്‍പ്പിച്ചു. അതിന്‌ശേഷം വലിയ ചുടുകാടിലെ രക്തസാക്ഷി മണ്ഡപത്തിലും പുഷ്പാര്‍ച്ചന നടത്തി.
ആഭ്യന്തരം, വിജിലന്‍സ്,ഐടി, പൊതുഭരണം എന്നീ വകുപ്പുകള്‍ മുഖ്യമന്ത്രി പിണറായി വിജയന്‍തന്നെ തുടര്‍ന്നും കൈകാര്യം ചെയ്യും.
കേരളത്തിന്റെ പുതിയ മന്ത്രിമാരും വകുപ്പുകളും
പിണറായി വിജയൻ (സി പി എം )
മുഖ്യമന്ത്രി രണ്ടാം തവണ
മണ്ഡലം: ധർമ്മടം
പൊതുഭരണം, ആഭ്യന്തരം, വിജിലൻസ്, ഐടി, പരിസ്ഥിതി
കെ എൻ ബാലഗോപാൽ (സി പി എം )
മന്ത്രിയായി ആദ്യം
മണ്ഡലം: കൊട്ടാരക്കര
ധനകാര്യം
വീണ ജോർജ് (CPM )
മന്ത്രിയായി ആദ്യം
മണ്ഡലം: ആറന്മുള
ആരോഗ്യം
പി.രാജീവ് (സി പി എം )
മന്ത്രിയായി ആദ്യം
മണ്ഡലം: കളമശ്ശേരി
വ്യവസായം
കെ. രാധാകൃഷ്ണൻ (സി പി എം )
രണ്ടാം തവണ
മണ്ഡലം: ചേലക്കര
ദേവസ്വം, പാർലമെന്ററി കാര്യം, പിന്നാക്കക്ഷേമം
ആർ. ബിന്ദു (സി പി എം )
മന്ത്രിയായി ആദ്യം
മണ്ഡലം: ഇരിങ്ങാലക്കുട
ഉന്നത വിദ്യാഭ്യാസം
വി.ശിവൻകുട്ടി (സി പി എം )
മന്ത്രിയായി ആദ്യം
മണ്ഡലം: നേമം
പൊതുവിദ്യാഭ്യാസം, തൊഴിൽ
എം.വി ഗോവിന്ദൻ (സി പി എം )
മന്ത്രിയായി ആദ്യം
മണ്ഡലം: തളിപ്പറമ്പ്
തദ്ദേശസ്വയംഭരണം, എക്സൈസ്
പി.എ. മുഹമ്മദ് റിയാസ് ( സി പി എം )
മന്ത്രിയായി ആദ്യം
മണ്ഡലം: ബേപ്പൂർ
പൊതുമരാമത്ത്, ടൂറിസം
വി.എൻ.വാസവൻ ( സി പി എം )
മന്ത്രിയായി ആദ്യം
മണ്ഡലം: ഏറ്റുമാനൂർ
സഹകരണം, രജിസ്ട്രേഷൻ
കെ. കൃഷ്ണൻകുട്ടി (ജെ ഡി എസ )
രണ്ടാം തവണ
മണ്ഡലം: ചിറ്റൂർ
വൈദ്യുതി
ആന്റണി രാജു (ജെ കെ സി )
മന്ത്രിയായി ആദ്യം
മണ്ഡലം: തിരുവനന്തപുരം
ഗതാഗതം
എ.കെ ശശീന്ദ്രൻ (എൻ സി പി )
രണ്ടാം തവണ
മണ്ഡലം: എലത്തൂർ
വനം വകുപ്പ്
റോഷി അഗസ്റ്റിൻ (കെ സി എം )
മന്ത്രിയായി ആദ്യം
മണ്ഡലം: ഇടുക്കി
ജലവിഭവ വകുപ്പ്
അഹമ്മദ് ദേവർകോവിൽ (ഐ എൻ എൽ )
മന്ത്രിയായി ആദ്യം
മണ്ഡലം: കോഴിക്കോട്തു
തുറമുഖം
സജി ചെറിയാൻ (സി പി എം )
മന്ത്രിയായി ആദ്യം
മണ്ഡലം: ചെങ്ങന്നൂർ
ഫിഷറീസ്, സാംസ്കാരികം
വി. അബ്ദുറഹ്മാൻ (സി പി എം )
മന്ത്രിയായി ആദ്യം
മണ്ഡലം: താനൂർ
ന്യൂനപക്ഷ ക്ഷേമം, പ്രവാസികാര്യം
ജെ ചിഞ്ചുറാണി (സി പി ഐ )
മന്ത്രിയായി ആദ്യം
മണ്ഡലം: ചടയമംഗലം
ക്ഷീരവകുപ്പ്, മൃഗസംരക്ഷണം
അഡ്വ. കെ. രാജൻ (സി പി ഐ )
മന്ത്രിയായി ആദ്യം
മണ്ഡലം: ഒല്ലൂർ
റവന്യു
പി. പ്രസാദ് (സി പി ഐ )
മന്ത്രിയായി ആദ്യം
മണ്ഡലം: ചേർത്തല
കൃഷി
ജി .ആർ. അനിൽ (സി പി ഐ )
മന്ത്രിയായി ആദ്യം
മണ്ഡലം: നെടുമങ്ങാട്
സിവിൽ സപ്ലൈസ്
