തിരുവനന്തപുരത്ത് കഞ്ചാവ് വേട്ട

15 കിലോ കഞ്ചാവുമായി യുവാവിനെ പൂന്തുറ പൊലീസ് അറസ്റ്റ് ചെയ്തു. മുട്ടത്തറ പുതുവൽ വീട്ടിൽ പ്രമോദ് (23) നെയാണ് പൂന്തുറ പൊലീസ് അറസ്റ്റ് ചെയ്തത്, വെളളിയാഴ്ച രാത്രിയിൽ ബീമാപ്പളളി ഈസ്റ്റ് വാർഡ് ബദരിയാനഗർ ഭാഗത്തു വെച്ചാണ് അറസ്റ്റുചെയ്തത്. KL 01 Q 5200 നമ്പർ മാരുതി ഓമനി വാനിന്റെ സീറ്റിന്റെ അടിയിലും പുറകു വശത്തുമായാണ് കഞ്ചാവ് സൂക്ഷിച്ചിരുന്നത്.

ശംഖുമുഖം അസ്റ്റി: കമ്മീഷണറുടെ നേതൃത്വത്തിൽ പൂന്തുറ ഇൻസെ്പക്ടർ ‌പ്രദീപ്.ജെ, സബ് ഇൻസെ്പക്ടർ അരുൺകുമാർ വി ആർ, എസ് ഐ ബിനു, എ എസ്ഐ വിനോദ്, എസ് സിപിഒ ബിജു, ആർ നായർ, അനുമോദ്, കൃഷ്ണകുമാർ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

അതേ സമയം സംസ്ഥാനത്ത് ലഹരി മാഫിയയ്ക്ക് രാഷ്ട്രീയ സംരക്ഷണം ലഭിക്കുന്നുവെന്ന പ്രതിപക്ഷ ആരോപണം അന്വേഷിക്കുന്നുണ്ടെന്ന് സംസ്ഥാന പൊലീസ് മേധാവി അനില്‍ കാന്ത്. സ്ഥിരീകരണം ലഭിച്ചാൽ ഇക്കാര്യം അറിയിക്കാമെന്നും അനിൽകാന്ത് പറഞ്ഞു.

ലഹരിക്കെതിരായ നടപടികളുമായി പൊലീസ് അടക്കമുള്ള സംവിധാനങ്ങൾ മുന്നോട്ട് പോവുകയാണ്. യോദ്ധാവ് പദ്ധതി സജീവമായി തുടരുന്നു. കുട്ടികളെ ക്യാരിയർമാരാക്കുന്നതടക്കം ശ്രദ്ധയിൽ പെട്ടാൽ കർശന നടപടി സ്വീകരിക്കുമെന്നും അനിൽ കാന്ത് പറഞ്ഞു.