രാജ്യത്തെയാകെ ഞെട്ടിച്ച നാല് വയസ്സുകാരന്റെ കൊലപാതകത്തിൽ കൂടുതൽ വിവരങ്ങൾ പുറത്ത്

ഗോവയിൽ നിന്ന് ബെംഗളുരുവിലേക്ക് ഒരാൾക്ക് 2600 മുതൽ 3000 രൂപവരെയാണ് വിമാനടിക്കറ്റ് നിരക്ക്. ഇതിന് പകരമാണ് 30000 രൂപ ചെലവാക്കാൻ സുചന തയ്യാറായത്. ജനുവരി ആറ് മുതൽ 10 വരെയാണ് സുചന അപ്പാർട്ട്മെന്റ് ബുക്ക് ചെയ്തത്. തുക മുൻകൂറായി നൽകിയിരുന്നു. ജനുവരി ആറിന് ചെക്ക് ഇൻ ചെയ്ത സുചന എന്നാൽ ജനുവരി എട്ടിന് പുലർച്ചെ 12.30 ന്അപ്പാർട്ട്മെന്റ് ചെക്കൌട്ട് ചെയ്തുവെന്നും മാനേജർ പൊലീസിന് മൊഴി നൽകി.

ജനുവരി ഏഴിന് വൈകീട്ട് നാല് മണിക്ക് റിസപ്ഷനിൽ വിളിച്ച് രണ്ട് കുപ്പി കഫ് സിറപ്പ് സുചന ആവശ്യപ്പെട്ടു. പ്രത്യേക ബ്രാന്റും നിർദ്ദേശിച്ചിരുന്നു. തനിക്ക് വേണ്ടിയാണ് കഫ്സിറപ്പെന്നാണ് ഇവർ പറഞ്ഞത്. അപ്പാർട്ട്മെന്റി ജീവനക്കാർ മരുന്ന് വാങ്ങി സുചനയ്ക്ക് നൽകിയെന്നും മാനേജർ പറഞ്ഞു. സുചന ചെക്ക് ഔട്ട് ചെയ്ത അന്നുതന്നെ അപ്പാർട്ട്മെന്റ് വൃത്തിയാക്കുമ്പോഴാണ് ടവ്വലിൽ രക്തക്കറ കണ്ടത്. പിന്നാലെ മാനേജർ പൊലീസിനെ വിവരമറിയിക്കുകയായിരുന്നു.