രാജ്യത്ത് കോവിഡ് രോ​ഗികൾ കൂടി; ഇന്നലെ 23,529 പേർക്ക് വൈറസ് ബാധ, 311 മരണം

രാജ്യത്ത് കോവിഡ് രോ​ഗികളിൽ നേരിയ വർധന. കഴിഞ്ഞ ദിവസം 20,000ൽ താഴെയായിരുന്നു കോവിഡ് രോ​ഗികൾ. ഇന്നലെ 23,529 പേർക്ക് കോവിഡ് സ്ഥിരീകരിച്ചതായി കേന്ദ്ര ആരോ​ഗ്യമന്ത്രാലയ കണക്കുകൾ വ്യക്തമാക്കുന്നു.

ഇതോടെ രോ​ഗബാധിതരുടെ ആകെ എണ്ണം 3,37,39,980 ആയി ഉയർന്നു. 24 മണിക്കൂറിനിടെ 311 പേരാണ് കോവിഡ് ബാധിച്ച് മരിച്ചത്. ഇതോടെ മരണസംഖ്യ 4,48,062 ആയി ഉയർന്നു. നിലവിൽ 2,77,020 പേരാണ് ചികിത്സയിൽ കഴിയുന്നത്.

ഇന്നലെ മാത്രം 28,718 പേരാണ് രോ​ഗമുക്തി നേടിയത്. ഇതോടെ രോ​ഗമുക്തരുടെ ആകെ എണ്ണം 3,30,14,898 ആയി ഉയർന്നു. നിലവിൽ 88,34,70,578 പേർക്ക് ഒരു ഡോസ് വാക്സിൻ നൽകി. ഇന്നലെ മാത്രം 65,34,306 പേർക്ക് വാക്സിൻ നൽകിയതായി സർക്കാർ കണക്കുകൾ വ്യക്തമാക്കുന്നു.