ദേശീയം
രാജ്യത്ത് ഇന്നലെ 46,164 പേര്ക്ക് കൊവിഡ് സ്ഥിരീകരിച്ചു; 392 മരണം
രാജ്യത്ത് ഇന്നലെ കോവിഡ് സ്ഥിരീകരിച്ചത് 46,164 പേര്ക്ക്. ഇതില് 31,445ഉം കേരളത്തിലാണ്. കേരളം ഒഴികെയുള്ള സ്ഥലങ്ങളില് റിപ്പോര്ട്ട് ചെയ്തത് 14,719 കേസാണ്. 607 പേരുടെ മരണമാണ് രാജ്യത്ത് ഇന്നലെ കോവിഡ് മൂലമെന്നു സ്ഥിരീകരിച്ചത്. ഇതില് 215ഉം കേരളത്തിലാണ്. കഴിഞ്ഞ 24 മണിക്കൂറിനിടെ 34,159 പേര് കോവിഡ് മുക്തമായി.
ഇന്നലെ വരെ 3,25,58,530 പേര്ക്കാണ് രാജ്യത്ത് കോവിഡ് സ്ഥിരീകരിച്ചത്. ഇതില് 3,17,88,440 പേര് രോഗമുക്തി നേടി. 3,33,725 പേരാണ് നിലവില് ആശുപത്രികളിലും വീടുകളിലുമായി ചികിത്സയില് ഉള്ളത്. കോവിഡ് ബാധിച്ചുള്ള ആകെ മരണം 4,36,365. ഇന്നലെ വരെ 60,38,46,475 പേര് വാക്സിന് സ്വീകരിച്ചതായി കേന്ദ്രആരോഗ്യമന്ത്രാലയം അറിയിച്ചു. 80,40,407 പേരാണ് ഇന്നലെ വാക്സിന് എടുത്തത്.
അതേ സമയം ലോകത്ത് കൊവിഡ് ബാധിതരുടെ എണ്ണം ഇരുപത്തിയൊന്ന് കോടി നാൽപത്തിയാറ് ലക്ഷം കടന്നു. കഴിഞ്ഞ ഇരുപത്തിനാല് മണിക്കൂറിനിടെ ഏഴ് ലക്ഷത്തിലധികം കേസുകളാണ് റിപ്പോർട്ട് ചെയ്തത്. മരണസംഖ്യ 44.75 ലക്ഷമായി ഉയർന്നു. ഇന്നലെ അഞ്ചര ലക്ഷത്തിലധികം പേരാണ് രോഗമുക്തി നേടിയത്. ഇതോടെ ആകെ രോഗമുക്തി നേടിയവരുടെ എണ്ണം പത്തൊൻപത് കോടി ഇരുപത് ലക്ഷം കടന്നു. നിലവിൽ ഒരു കോടി എൺപത്തിയൊന്ന് ലക്ഷം പേരാണ് ചികിത്സയിലുള്ളത്.
പ്രതിദിന രോഗികളുടെ എണ്ണത്തിൽ ഇപ്പോൾ അമേരിക്കയാണ് ലോകത്ത് ഒന്നാം സ്ഥാനത്ത്. ഇരുപത്തിനാല് മണിക്കൂറിനിടെ ഒന്നര ലക്ഷത്തിലധികം കേസുകളാണ് യുഎസിൽ റിപ്പോർട്ട് ചെയ്തത്. ആകെ രോഗബാധിതരുടെ എണ്ണം മൂന്ന് കോടി തൊണ്ണൂറ്റിയൊന്ന് ലക്ഷമായി. 6.49 ലക്ഷം പേർ മരിച്ചു. രോഗമുക്തി നേടിയവരുടെ എണ്ണം മൂന്ന് കോടി പിന്നിട്ടു.