ദേശീയം
കൊവിഡ് വാക്സിന് വിതരണത്തിന് കേന്ദ്രത്തിന്റെ ആപ്പ്
കൊവിഡ് വാക്സീന് വിതരണം ചെയ്യാന് കേന്ദ്രത്തിന്റെ മൊബൈല് ആപ്പ്. വാക്സിന് എത്തിക്കുന്നതുമുതല് സ്റ്റോക്ക്, വിതരണം ഉള്പ്പെടെയുള്ള വിവരങ്ങള് ആപ്പിലുണ്ടാവും. കൊ വിന് എന്ന പേരിലായിരിക്കും ആപ്പ്.
വാക്സിന് ഡോസേജിന്റെ സമയക്രമവും ആപ്ലിക്കേഷനില് ലഭ്യമാകും. കേന്ദ്രത്തില് നിന്നും സംസ്ഥാനങ്ങളില് നിന്നും കൂടാതെ ഐസിഎംആര്, ആരോഗ്യ മന്ത്രാലയം, ആയുഷ്മാന് ഭാരത് എന്നിവിടങ്ങളില് നിന്നുള്ള വിവരങ്ങളാണ് ലഭ്യമാകുക.
വിവരങ്ങള് താഴെ തട്ടില് നിന്ന് അധികൃതര്ക്ക് ലഭ്യമാക്കുന്നതിന് വേണ്ടിയാണ് ആപ്ലിക്കേഷന് തയാറാക്കുന്നത്. ആപ്ലിക്കേഷന് കൊവിഡ് വാക്സിന് വിതരണത്തിന്റെ അപ്പപ്പോഴുള്ള വിവരങ്ങള് ആളുകളെ അറിയിക്കാനായി ഉപയോഗിക്കും.
വാക്സിന് നല്കുന്ന ആള്, വാക്സിന് നല്കുന്നതിന്റെ സമയക്രമം, ലൊക്കേഷന് എന്നിവ ആപ്ലിക്കേഷനിലൂടെ അറിയാം. ഡിജി ലോക്കറില് സൂക്ഷിക്കാവുന്ന ഇമ്യൂണൈസേഷന് സര്ട്ടിഫിക്കറ്റും ആപ്ലിക്കേഷനില് ലഭ്യമാകും.
രാജ്യത്തെമ്പാടുമുള്ള 28,000 വാക്സിന് സ്റ്റോറേജ് സെന്ററുകളിലെ വാക്സിന് സ്റ്റോക്കിനെ കുറിച്ചും ആപ്ലിക്കേഷനില് വിവരങ്ങളുണ്ടാകും. രാജ്യത്ത് 20,000 വാക്സീന് സംഭരണ കേന്ദ്രങ്ങള് സജ്ജമാക്കും