അനധികൃതമായി മദ്യവില്പന; മലപ്പുറത്ത് യുവാവ് പിടിയില്‍

മലപ്പുറം കുറ്റിപ്പുറത്തും അനധികൃത മദ്യവില്‍പ്പന നടത്തിയ യുവാവ് പിടിയില്‍ .കുറ്റിപ്പുറം സ്വദേശിയായ മുഹമ്മദലിയാണ് പോലീസ് അറസ്റ്റ് ചെയ്തത്.

നാലര ലിറ്റര്‍ വിദേശമദ്യമാണ് ഇയാളില്‍ നിന്ന് പോലീസ് പിടിച്ചെടുത്തത്. കുറ്റിപ്പുറം റെയില്‍വേ സ്റ്റേഷന്‍ പരിസരത്ത് മദ്യം വില്‍ക്കുന്നതിനിടെയാണ് പ്രതി പോലീസ് പിടിയിലായത്.

കുറ്റിപ്പുറം റെയില്‍വേ സ്റ്റേഷനും പരിസരവും കേന്ദ്രീകരിച്ച്‌ ഏറെ നാളായി മുഹമമ്മദലി മദ്യം വില്‍ക്കുന്നുണ്ടെന്ന് പൊലീസ് പറഞ്ഞു.എന്നാല്‍ ട്രെയിനില്‍ യാത്രക്കാര്‍ക്കും ഇയാള്‍ മദ്യം എത്തിച്ചു നല്‍കാറുണ്ട്. ട്രെയിന്‍ കുറ്റിപ്പുറം സ്റ്റേഷനിലേക്ക് എത്തുമ്ബോഴാണ് മദ്യം കൈമാറുന്നത്.