കേരളം
പകല് ചൂട് കൂടുന്നു; മുന്നറിയിപ്പുമായി ദുരന്തനിവാരണ അഥോറിറ്റി
![ca888aed655cf8d238655dc5f4ec457b066397eb5f6766fb65f475c59e701100](https://citizenkerala.com/wp-content/uploads/2021/02/ca888aed655cf8d238655dc5f4ec457b066397eb5f6766fb65f475c59e701100.jpg)
![ca888aed655cf8d238655dc5f4ec457b066397eb5f6766fb65f475c59e701100](https://citizenkerala.com/wp-content/uploads/2021/02/ca888aed655cf8d238655dc5f4ec457b066397eb5f6766fb65f475c59e701100.jpg)
സ്ഥാനത്ത് പകല് സമയത്ത് താപനില കൂടുന്ന സാഹചര്യത്തില് ജാഗ്രതാ നിര്ദ്ദേശവുമായി ദുരന്ത നിവാരണ അഥോറിറ്റി. സൂര്യാഘാതം, സൂര്യതപം, നിര്ജലീകരണം എന്നിവയില് ജാഗ്രത പാലിക്കണമെന്നാണ് മുന്നറിയിപ്പ്.
പകല് 11 മുതല് 3 മണി വരെ നേരിട്ട് വെയില് കൊള്ളുന്നത് ഒഴിവാക്കണമെന്നാണ് ദുരന്ത നിവാരണ അതോറിറ്റിയുടെ നിര്ദ്ദേശം. കുട്ടികള്, പ്രായമായവര് , ഗര്ഭിണികള് എന്നിവര് പ്രത്യേകം ശ്രദ്ധിക്കണം. തൊഴില് സമയം ക്രമീകരിക്കുമെന്നും അറിയിച്ചിട്ടുണ്ട്.
സൂര്യനില് നിന്നുള്ള വികിരണങ്ങളേറ്റ് ശരീരകോശങ്ങള് ക്രമാതീതമായി നശിക്കുന്ന പ്രതിഭാസമാണ് സൂര്യാഘാതം (Sunburn). അള്ട്രാവൈലറ്റ് വികിരണങ്ങളാണ് പ്രധാനമായും സൂര്യാഘാതത്തിന് കാരണമാവാറ്. കഠിനമായ വെയിലത്ത് ദീര്ഘനേരം ജോലിചെയ്യുന്നവര്ക്ക് സൂര്യാഘാതമേല്ക്കാനുള്ള സാധ്യത ഏറെയാണ്. അമിതചൂടിത്തുടര്ന്നുണ്ടാകുന്ന ഗുരുതരമായ പ്രശ്നമാണ് സൂര്യാഘാതം.
തീവ്രപരിചരണം ലഭിക്കാതിരുന്നാല് മരണം പോലും സംഭവിക്കാം. കുട്ടികളിലും വയസ്സായവരിലും സൂര്യാഘാതം ഉണ്ടാകാന് എളുപ്പമാണ്. കഠിനമായ ചൂടിനെ തുടര്ന്ന് ആന്തരികതാപനില ക്രമാതീതമായി ഉയര്ന്നാല് ശരീരത്തിന് താപനിയന്ത്രണം സാധ്യമാകാതെ വരും.