രാജ്യാന്തരം
93-ാമത് ഓസ്കർ നാമനിർദേശ പട്ടിക പ്രഖ്യാപിച്ചു
93-ാമത് ഓസ്കർ നാമനിർദേശപ്പട്ടിക പുറത്തുവിട്ടു. പത്ത് നോമിനേഷനുകളുമായി മങ്ക് എന്ന ചിത്രമാണ് മുന്നിൽ. തൊട്ടുപിന്നിൽ ആറ് നോമിനേഷനുകളുമായി ദി ഫാദർ, ജൂദാസ് ആൻഡ് ബ്ലാക് മിശിഹ, മിനാരി, നോമാഡ്ലാൻഡ്, സൗണ്ട് ഓഫ് മെറ്റൽ, ദി ട്രയൽ എന്നീ ചിത്രങ്ങളുണ്ട്.
ഏപ്രിൽ 25ന് ആണ് ഓസ്കർ അവാർഡുകൾ പ്രഖ്യാപിക്കുക. കൊവിഡ് 19-നെത്തുടർന്ന് അവാർഡ് സെറിമണി രണ്ട് മാസത്തേക്ക് നീട്ടിവെക്കുകയായിരുന്നു. ബോളിവുഡ് നടി പ്രിയങ്ക ചോപ്രയും ഭർത്താവും ഗായകനുമായ നിക്ക് ജോനസും ചേർന്നാണ് നോമിനേഷൻസിന്റെ പ്രഖ്യാപനം നടത്തിയത്.
2017ജനുവരിയിലാണ് ഓസ്‌കാര്‍ നാമനിര്‍ദേശപട്ടിക അവതരണത്തില്‍ അതുവരെയില്ലാത്ത ഒരു മാറ്റം കണ്ടത്. പതിവായി പത്രസമ്മേളനം വിളിച്ച് നാമനിര്‍ദേശപട്ടിക വായിച്ച് കേള്‍പ്പിക്കുന്നതില്‍ നിന്ന് വ്യത്യസ്തമായി അവാര്‍ഡിനായി മത്സരിക്കുന്ന പ്രമുഖ നടന്മാരുടെ രേഖാചിത്രം പുറത്തു വിട്ടുകൊണ്ടായിരുന്നു കഴിഞ്ഞവര്‍ഷം ഈ പ്രക്രിയ നടത്തിയതു. ഇക്കുറിയും ഇതേ മാര്‍ഗം തന്നെയാണ് സ്വീകരിക്കപ്പെടുക എന്ന് സൂചിപ്പിക്കുന്നതാണ് പുറത്തുവരുന്ന ചിത്രങ്ങള്‍. അക്കാഡമിയുടെ ഔദ്യോഗിക ഇന്‍സ്റ്റാഗ്രാം പേജിലൂടെ പങ്കുവയ്ക്കപ്പെട്ട ചിത്രങ്ങളാണ് ഇത് വെളിപ്പെടുത്തിയിരിക്കുന്നത്.
