ആരോഗ്യം
കുടിവെള്ളത്തിലെ 80 ശതമാനം മൈക്രോപ്ലാസ്റ്റിക്കും നീക്കാം; പരിഹാരം നിര്ദ്ദേശിച്ച് ഗവേഷകര്
തിളപ്പിച്ചാറ്റിയ വെള്ളം കുടിക്കണമെന്നാണ് ആരോഗ്യപ്രവര്ത്തകര് നല്കുന്ന മുന്നറിയിപ്പ്. ഇതിന് കാരണം. തിളപ്പിക്കുമ്പോള് വെള്ളത്തിലെ അണുക്കളില് വലിയൊരു ശതമാനവും നശിക്കുന്നു. ഇങ്ങനെ തിളപ്പിച്ചാറ്റിയ വെള്ളം കുടിക്കുന്നത് വഴി ഒരു പരിധിവരെ രോഗങ്ങളെ തടയാമെന്നത് തന്നെ. ഏറ്റവും പുതിയ പഠനവും പറയുന്നത് വെള്ളം തിളപ്പിച്ച് കുടിക്കണമെന്നാണ്. ഉപയോഗിക്കുന്നതിന് മുമ്പ് ടാപ്പ് വെള്ളം ചൂടാക്കുമ്പോള് ജലത്തില് അടങ്ങിയിരിക്കുന്ന ഹാനികരമായ പ്ലാസ്റ്റിക് കണങ്ങളില് ഏറ്റവും കുറഞ്ഞത് 80 ശതമാനമെങ്കിലും ഇല്ലാതാക്കാൻ കഴിവുമെന്നാണ്. വെറും അഞ്ച് മിനിറ്റ് തിളപ്പിച്ച വെള്ളത്തില് പോലും ചെറിയ പ്ലാസ്റ്റിക് കണങ്ങളുടെ 80 % വരെ നീക്കം ചെയ്യാൻ കഴിയുന്നുണ്ടെന്ന് ഗവേഷകർ കണ്ടെത്തി. ചൈനയിലെ ജിനാൻ യൂണിവേഴ്സിറ്റിയിലെ ഡോ.എഡ്ഡി സെങ്ങിന്റെ നേതൃത്വത്തിലുള്ള പഠന സംഘത്തിന്റെതാണ് കണ്ടെത്തല്.