Citizen Special
കുട്ടികളില്ലെന്നു കരുതി വിഷമിക്കുന്ന ദമ്പതികളല്ല’, ആരാധകന്റെ ചോദ്യത്തിന് മറുപടി നല്‍കി വിധു പ്രതാപ്; വീഡിയോ
ആരാധകരുടെ എണ്ണത്തില്‍ സമ്പന്നരാണ് ഗായകന്‍ വിധുപ്രതാപും ഭാര്യ ദീപ്തിയും. സമൂഹ മാധ്യമങ്ങളില്‍ സജീവ സാന്നിധ്യമായ ഇരുവരും അടുത്തിടെ യുടൂബ് ചാനലില്‍ പുതിയൊരു വീഡിയോ പങ്കുവെച്ചിരുന്നു. യുടൂബ്, ഫേസ്ബുക്ക്, ഇന്‍സ്റ്റഗ്രാം, പേജുകളിലുള്ള ഇരുവരുടേയും ആരാധകര്‍ ഉന്നയിച്ച ചോദ്യങ്ങള്‍ക്കും സംശയങ്ങള്‍ക്കുമുള്ള മറുപടി പറച്ചിലാണ് വീഡിയോയുടെ ഉള്ളടക്കം. ദൂരദര്‍ശനിലെ പ്രതികരണം പരിപാടികത്കു സമാനമെന്നു പറയാം.
വീഡിയോയില്‍ ആരാധകരുടെ ചോദ്യങ്ങള്‍ ദീപ്തിയാണ് ചോദിക്കുന്നത്,വിധു മറുപടി പറയും. ഇവര്‍ക്ക് കുട്ടികളില്ലേ എന്നായിരുന്നു ഒരു ആരാധകന്റെ ചോദ്യം. വിധു ഉത്തരം ഇങ്ങനെ നല്‍കി: ‘ഇല്ല, തല്‍ക്കാലത്തേക്ക് കുട്ടികളില്ല. ഇനി ഭാവിയില്‍ ഉണ്ടായാല്‍ നിങ്ങളല്ലേടോ കുട്ടികളില്ലെന്നു പറഞ്ഞതെന്നും പറഞ്ഞ് ആരും കൊടിയും പിടിച്ച് വരരുത്.
കുട്ടികളില്ലെന്നു കരുതി വിഷമിച്ചിരിക്കുന്ന ദമ്പതികളല്ല ഞങ്ങള്‍. ജീവിതം സന്തോഷകരമായി മുന്നോട്ടു പോകുന്നു. കുത്തിനോവിക്കാനും അറിയാന്‍ വേണ്ടിയും പലരും ഈ ചോദ്യം ഉന്നയിക്കാറുണ്ട്. അവരുടെ ചോദ്യത്തെ മാനിച്ചുകൊണ്ട് പറയുന്നു. ഞങ്ങള്‍ ഹാപ്പിയാണ്, നിങ്ങളും ഹാപ്പിയായി ഇരിക്കുക”. ഏതായാലും വിധുവുന്റെയും ദീപ്തിയുടേയും ഉത്തരം ഗംഭീരമാണെന്നാണ് ആരാധകര്‍ ഒന്നടങ്കം പറയുന്നത്.
വീഡിയോ
