യുഎസിൽ ഇന്ന് വിധിയെഴുത്ത്; തെരഞ്ഞെടുപ്പ് പുരോഗമിക്കുന്നു

അമേരിക്കയിൽ തെരഞ്ഞെടുപ്പ് ആരംഭിച്ചു. ഇന്ന് പുലർച്ചെ 6 മണിയോടെയാണ് (ഇന്ത്യൻ സമയം 4.30) വോട്ടിംഗ് ആരംഭിച്ചത്. ഓരോ സംസ്ഥാനങ്ങളിലും വോട്ടിംഗ് സമയത്തിൽ വ്യത്യാസമുണ്ടാകും. ന്യൂയോർക്ക്, നോർത്ത് ഡെക്കോഡ എന്നീ സംസ്ഥാനങ്ങളിൽ രാവിലെ ആറ് മുതൽ വൈകീട്ട് ഒമ്പത് മണി വരെയാണ് പോളിംഗ്.

തപാൽ വോട്ടിംഗിലൂടെയും, മുൻകൂർ വോട്ടിംഗിലൂടെയുമെല്ലാം ഇതുവരെ ഏകദേശം പത്ത് കോടിയോളം പേർ വോട്ട് രേഖപ്പെടുത്തിയിട്ടുണ്ടെന്നാണ് റിപ്പോർട്ട്. കഴിഞ്ഞ തെരഞ്ഞെടുപ്പില്‍ വോട്ട് ചെയ്യാതിരുന്നവര്‍ ഇത്തവണ വോട്ടു ചെയ്യാനുള്ള സാധ്യതകള്‍ ഏറെയാണെന്ന റിപ്പോര്‍ട്ടുകള്‍ നേരത്തെ എത്തിയിരുന്നു.

Read also: ട്രംപിന്‍റെ ടിക്ടോക്ക് നിരോധന ഉത്തരവ് സ്റ്റേ ചെയ്ത് കോടതി

അതേസമയം, ഡെമോക്രാറ്റ് സ്ഥാനാർത്ഥി ജോ ബൈഡന് നേരിയ മുൻതൂക്കമുണ്ടെന്നാണ് വിവിധ വാർത്താ മാധ്യമങ്ങൾ നടത്തിയ സർവേയിൽ പറയുന്നത്. എൻസിബി ന്യൂസും, വാൾ സ്ട്രീറ്റ് ജേണലും നടത്തിയ സർവേയിലാണ് ജോ ബൈഡന് മുൻതൂക്കം പ്രവചിച്ചത്.