കേരളം
‘വടകരയില്‍ സ്ഥാനാര്‍ഥി മാറിയാല്‍ വലിയ മാറ്റമുണ്ടാകില്ല’; കെ കെ രമ
പത്മജ ചെയ്ത ഏറ്റവും വലിയ രാഷ്ട്രീയ വഞ്ചനയാണ് ബിജെപിയിലേക്കുള്ള ചുവടുമാറ്റമെന്ന് ആർഎംപിഐ നേതാവ് കെ കെ രമ എംഎൽഎ. കെ മുരളീധരന്‍റെ തൃശ്ശൂരിലെ സ്ഥാനാര്‍ഥിത്വം പത്മജ വേണുഗോപാലിന്‍റെ രാഷ്ട്രീയ വഞ്ചനക്കുള്ള മറുപടിയാണെന്നും രമ പറഞ്ഞു. ബിജെപി ജയിക്കാതിരിക്കാന്‍ നല്ല മാറ്റമാണിത്. വടകരയില്‍ സ്ഥാനാര്‍ഥി മാറിയാല്‍ വലിയ മാറ്റമുണ്ടാകില്ല.
Also Read: ട്രെയിൻ യാത്രയിൽ പ്രശ്‌നം നേരിടുന്നോ? ഈ നമ്പർ ഡയൽ ചെയ്യുക, എല്ലാം ഉടനടി പരിഹരിക്കപ്പെടും!
അ‍‍ഞ്ച് വര്‍ഷം വടകരയെ സജീവമായി മുന്നോട്ടു നയിച്ച വ്യക്തിയാണ് കെ മുരളീധരന്‍. കരുണാകരന്‍റെ തട്ടകത്തില്‍ നല്ല മത്സരമായിരിക്കും. കരുണാകരന്‍റെ മകള്‍ ബിജെപിയിലേക്ക് എന്നത് നമുക്കൊന്നും ഉള്‍ക്കൊള്ളാന്‍ പറ്റാത്ത കാര്യമാണെന്നും അവർ പറഞ്ഞു. ബിജെപിയിലേക്ക് കോണ്‍ഗ്രസ് നേതാക്കള്‍ പോകുമ്പോള്‍ സന്തോഷിക്കുന്നവരാണ് സിപിഐഎം നേതാക്കളെന്നും കെ കെ രമ ആരോപിച്ചു.
സിറ്റിസൺ കേരള വാർത്തകളും മറ്റ് അറിവുകളും വാട്സാപ്പിൽ ലഭ്യമാണ്. ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക. Join now!
Advertisement
