ദേശീയം
ടിക് ടോക്കിന് പകരം ഒരു ഇന്ത്യന്‍ നിര്‍മ്മിത ഹ്രസ്വ വീഡിയോ പ്ലാറ്റ് ഫോമുമായി സീ5
ചൈനീസ് വീഡിയോ പ്ലാറ്റ് ഫോമായ ടിക് ടോക്കിനെ പോലെ ഇന്ത്യന്‍ നിര്‍മിത ഹ്രസ്വ വീഡിയോ പ്ലാറ്റ്ഫോം ആരംഭിക്കാനുള്ള പദ്ധതിയുമായി ഇന്ത്യന്‍ സ്ട്രീമിങ് സേവനമായ സീ5.നിലവില്‍ ബീറ്റ പതിപ്പിലുള്ള ഈ സേവനം ജൂലൈ ആദ്യ മുതല്‍ ലഭ്യമാകും.
ഇന്ത്യയ്ക്കായി ഇന്ത്യയില്‍ പ്രത്യേകമായി രൂപകല്‍പ്പന ചെയ്ത ഈ ആപ്ലിക്കേഷനിലൂടെ ഇന്ത്യയില്‍ വളര്‍ന്നുവരുന്ന ഹ്രസ്വ വീഡിയോ അപ്ലിക്കേഷന്‍ വിപണിയില്‍ സ്വയം ഇടം നേടാനാണ് സീ 5 ന്റെ നീക്കം. ടിക്ക് ടോക്കിന് ഏറ്റവും കൂടുതല്‍ ഉപയോക്താക്കളുള്ള രാജ്യം ഇന്ത്യയാണ്.ഇത് ഹ്രസ്വ ജനപ്രിയ വീഡിയോ ആപ്ലിക്കേഷനുകള്‍ എത്രത്തോളം ജനപ്രിയമാണെന്ന് സൂചിപ്പിക്കുന്നതാണ്.
ഇന്ത്യയില്‍ ഉടലെടുത്തിരിക്കുന്ന ചൈനാ വിരുദ്ധ വികാരം ടിക് ടോക്കിന് വലിയ തിരിച്ചടി ഉണ്ടാക്കിയിരിക്കുകയാണ്. ഇത് ഒരു പുതിയ തദ്ദേശീയ ആപ്ലിക്കേഷന് അവസരം ഒരുക്കിയിരിക്കുകയാണ് ചെയ്യുന്നത്.
ഇന്ത്യന്‍ സാംസ്‌കാരിക വൈവിധ്യങ്ങള്‍ പരിഗണിച്ചുകൊണ്ടാണ് ആപ്പ് രൂപകല്‍പന ചെയ്തിരിക്കുന്നതെന്ന് സീ 5 പറയുന്നു. സുരക്ഷ, സംരക്ഷണം, ഔചിത്യം എന്നിവയാണ് ആപ്ലിക്കേഷന്റെ പ്രധാന തത്വങ്ങളെന്ന് കമ്പനി വ്യക്തമാക്കി.
The Sea5 is an Indian-made short video platformer instead of Tic Tac
