ദേശീയം
ഇന്ത്യൻ ജനത കൊവിഡിനെതിരെ ശക്തമായി പോരാടി.. ജാഗ്രത കൈവിടരുതെന്ന് പ്രധാനമന്ത്രി
രാജ്യത്ത് വീണ്ടും കൊവിഡ് ഭീതി ഉടലെടുത്ത പശ്ചാത്തലത്തിൽ പ്രതികരണവുമായി പ്രധാനമന്ത്രി നരേന്ദ്ര നമോദി. കൊവിഡിനെതിരെ ഇന്ത്യൻ ജനത ശക്തമായി പോരാടിയെന്നും മികച്ച രീതിയിൽ പ്രതിരോധ പ്രവർത്തനങ്ങൾ മുന്നോട്ട് പോകുന്നുണ്ടെന്നും പ്രധാനമന്ത്രി മാൻ കി ബാത്തിൽ പറഞ്ഞു.
കൊവിഡ് വ്യാപന പശ്ചാത്തലത്തിൽ കഴിഞ്ഞ മാർച്ചിലാണ്‌ ജനത കർഫ്യുവിനെ കുറിച്ച് ജനം കേട്ടത്, പിന്നീട് കൃത്യമായ പ്രതിരോധ പ്രവർത്തനങ്ങളിലൂടെ വൈറസിനെ പിടിച്ചു നിർത്താനായെന്നും അദ്ദേഹം പറഞ്ഞു. അതേസമയം, ഇപ്പോൾ ചില സംസ്ഥാനങ്ങളിൽ വീണ്ടും വൈറസ് വ്യാപിക്കുന്നുണ്ടെന്നും കൊവിഡ് ജാഗ്രത കൈവിടരുതെന്നും പ്രോട്ടോക്കോളുകൾ പിന്തുടരണമെന്നും പ്രധാനമന്ത്രി പറഞ്ഞു.
കൊവിഡ് പ്രതിരോധിക്കുന്നതിൽ വാക്സിനിലൂടെ ഇന്ത്യ നടത്തുന്നത് വലിയ പോരാട്ടമാണ്. എല്ലാവർക്കും വാക്സിൻ എത്തിച്ച് നൽകി ഈ പോരാട്ടത്തിൽ ഇന്ത്യ ജയിക്കുമെന്നും അദ്ദേഹം കൂട്ടിച്ചേർത്തു.കാർഷിക നിയമങ്ങളിൽ നിന്ന് പിന്നോട്ട് പോകില്ല. പുതിയ നിയമങ്ങൾ കർഷകർ ഉൾക്കൊള്ളണമെന്നും പ്രധാനമന്ത്രി പറഞ്ഞു.
