വീണ്ടും ആശങ്ക…; ഡ​ൽ​ഹി​യിൽ കൊ​വി​ഡാ​ന​ന്ത​ര രോ​ഗ​ങ്ങ​ൾ കൂടുന്നു

കൊ​വി​ഡ് ര​ണ്ടാം ത​രം​ഗം വീ​ശ​യ​ടി​ച്ച രാ​ജ്യ​ത​ല​സ്ഥാ​ന​ത്തി​ന് പു​തി​യ ത​ല​വേ​ദ​ന​യാ​യി കൊ​വി​ഡാ​ന​ന്ത​ര രോ​ഗ​ങ്ങ​ൾ. കൊവി​ഡാ​ന​ന്ത​ര ഗു​രു​ത​ര ആ​രോ​ഗ്യ​പ്ര​ശ്ന​ങ്ങ​ളു​മാ​യി എ​ത്തു​ന്ന​വ​രു​ടെ എ​ണ്ണം ഭ​യാ​ന​ക​മാ​യി വ​ർ​ധി​ക്കു​ന്ന​താ​യി ഡോ​ക്ട​ർ​മാ​ർ പ​റ​യു​ന്നു. ഒ​രു ദി​വ​സം ഒ​പി​യി​ൽ ഡോ​ക്ട​ർ​മാ​ർ ഇ​ത്ത​ര​ത്തി​ലെ 25-30 രോ​ഗി​ക​ളെ വ​രെ കൈ​കാ​ര്യം ചെ​യ്യേ​ണ്ടി​വ​രു​ന്നു. ആ​ദ്യ ത​രം​ഗ​ത്തി​ൽ റി​പ്പോ​ർ​ട്ട് ചെ​യ്ത​തി​നേ​ക്കാ​ൾ ഗു​രു​ത​ര​മാ​ണ് രോ​ഗ​ല​ക്ഷ​ണ​ങ്ങ​ളാ​ണ് ഇ​പ്പോ​ൾ ക​ണ്ടു​വ​രു​ന്ന​തെ​ന്നും ഡോ​ക്ട​ർ​മാ​ർ പ​റ​യു​ന്നു.

കൊ​വി​ഡ് ഭേ​ദ​മാ​യി ആ​ഴ്ച​ക​ൾ​ക്ക് ശേ​ഷ​വും രോ​ഗി​ക​ൾ​ക്ക് ഓ​ക്സി​ജ​ൻ പി​ന്തു​ണ ആ​വ​ശ്യ​മാ​യി വ​രു​ന്നു.ക​ഴി​ഞ്ഞ വ​ർ​ഷം, കൊവി​ഡാ​ന​ന്ത​രം ഏ​റ്റ​വും സാ​ധാ​ര​ണ​മാ​യ ബു​ദ്ധി​മു​ട്ട് ക്ഷീ​ണം ആ​യി​രു​ന്നു. ഡ​ൽ​ഹി മാ​ക്സ് ആ​ശു​പ​ത്രി​യി​ലെ ഒ​പി വി​ഭാ​ഗ​ത്തി​ൽ ചി​കി​ത്സ​യി​ൽ ക​ഴി​യു​ന്ന 70-80 ശ​ത​മാ​നം രോ​ഗി​ക​ളും കൊ​വി​ഡാ​ന​ന്ത​ര ബു​ദ്ധി​മു​ട്ടു​ക​ളു​മാ​യി എ​ത്തി​യ​വ​രാ​ണെ​ന്ന് റെ​സ്പി​റേ​റ്റ​റി മെ​ഡി​സി​ൻ വി​ഭാ​ഗം മേ​ധാ​വി ഡോ. ​വി​വേ​ക് നം​ഗി​യ പ​റ​യു​ന്നു.

65 വ​യ​സ്സി​നു മു​ക​ളി​ലു​ള്ള​വ​രോ പു​ക​വ​ലി​ക്കാ​രോ ആ​യ രോ​ഗി​ക​ളി​ൽ ശ്വാ​സ​കോ​ശ രോ​ഗ​ങ്ങ​ൾ റി​പ്പോ​ർ​ട്ട് ചെ​യ്തി​രു​ന്നു. എ​ന്നാ​ൽ ഇ​പ്പോ​ൾ മ​ധ്യ​വ​യ​സ്ക​രും ചെ​റു​പ്പ​ക്കാ​രാ​യ രോ​ഗി​ക​ളും കു​ട്ടി​ക​ളു​മാ​ണ് വ​ലി​യ തോ​തി​ൽ ചി​കി​ത്സ തേ​ടി​യെ​ത്തു​ന്ന​ത്. കൊ​വി​ഡ് ഭേ​ദ​മാ​യ രോ​ഗി​ക​ളെ ഓ​ക്സി​ജ​ൻ പി​ന്തു​ണ​യോ​ടെ വീ​ട്ടി​ലേ​ക്ക് മ​ട​ക്കി​യ​യ​ക്കേ​ണ്ട അ​വ​സ്ഥ​യി​ലാ​ണെന്ന് വി​വേ​ക് നം​ഗി​യ പ​റ​ഞ്ഞു.

കൊ​വി​ഡ് ഭേ​ദ​മാ​യി മാ​സ​ങ്ങ​ൾ​ക്ക് ശേ​ഷ​വും ആ​ളു​ക​ളി​ൽ ഉ​യ​ർ​ന്ന പ​നി റി​പ്പോ​ർ​ട്ട് ചെ​യ്യു​ന്ന​താ​യും ഡോ​ക്ട​ർ​മാ​ർ ചൂ​ണ്ടി​ക്കാ​ട്ടു​ന്നു. കൊ​വി​ഡ് ഭേ​ദ​മാ​യി മൂ​ന്ന്-​നാ​ല് ആ​ഴ്ച​ക​ൾ​ക്കു ശേ​ഷ​വും ആ​ളു​ക​ളി​ൽ വ​ലി​യ പ​നി റി​പ്പോ​ർ​ട്ട് ചെ​യ്യു​ന്ന​താ​യി ഇ​ന്ദ്ര​പ്ര​സ്ഥ അ​പ്പോ​ളോ ആ​ശു​പ​ത്രി​യി​ലെ ഇ​ന്‍റേ​ണ​ൽ മെ​ഡി​സി​ൻ സീ​നി​യ​ർ ക​ൺ​സ​ൾ​ട്ട​ന്‍റ് ഡോ. ​സു​ര​ഞ്ജി​ത് ചാ​റ്റ​ർ​ജി പ​റ​ഞ്ഞു. ആ​ദ്യ ത​രം​ഗ​ത്തി​ലും പ​നി ഉ​ണ്ടാ​യി​രു​ന്നു, എ​ന്നാ​ൽ ഇ​ത്ത​വ​ണ അ​ത് വ​ള​രെ കൂ​ടു​ത​ലാ​ണ്- ഡോ. ​സു​ര​ഞ്ജി​ത് ചാ​റ്റ​ർ​ജി പ​റ​യു​ന്നു.