ഫേസ്ബുക്കിലും ഇൻസ്റ്റാഗ്രാമിലും പുതിയ ഫീച്ചർ വരുന്നു

ഉപയോക്താക്കൾക്ക് ലൈക്കിന്റെ എണ്ണം മറച്ചുവയ്ക്കാനുള്ള ഫീച്ചർ അവതരിപ്പിക്കാനൊരുങ്ങി ഫേസ്ബുക്ക്. ഇൻസ്റ്റ​ഗ്രാമിലും ഫീച്ചർ അവതരിപ്പിക്കുന്നുണ്ട്.

അക്കൗണ്ടിലെ ഏത് പോസ്റ്റിന്റേയും ലൈക്കുകളുടെ എണ്ണം മറച്ചുവെയ്ക്കാനുള്ള സംവിധാനമാണ് വരുന്നത്. ഉപയോക്താക്കളുടെ സമ്മര്‍ദ്ദം കുറയ്ക്കുന്നതിന്റെ ഭാഗമായാണ് ഫേ‌സ്ബുക്ക് നടപടിക്ക് ഒരുങ്ങുന്നത്.

ലൈക്ക് മറച്ചുവെയ്ക്കാന്‍ തീരുമാനിച്ചാലും കമന്റുകള്‍ സാധാരണ പോലെ തന്നെയായിരിക്കും. ഇന്‍സ്റ്റഗ്രാമില്‍ 2019ല്‍ തന്നെ ലൈക്ക് മറച്ചുവെയ്ക്കാനുള്ള ഫീച്ചര്‍ അവതരിപ്പിക്കുന്നതിനുള്ള നടപടികള്‍ ആരംഭിച്ചിരുന്നു. ചിലര്‍ ഇതിനെ സ്വാഗതം ചെയ്തപ്പോള്‍, മറ്റു ചിലര്‍ സോഷ്യല്‍മീഡിയയുടെ ആവേശം നഷ്ടപ്പെടുമെന്ന് പരാതിപ്പെട്ടു.