85 പേരുമായി ഫിലിപ്പീൻസിലേക്ക് പോയ സൈനിക വിമാനം തകർന്നു; 40 പേരെ രക്ഷപെടുത്തി

ദക്ഷിണ ഫിലിപ്പീൻസിൽ 85 പേരുമായി പോയ സൈനിക വിമാനം തകർന്ന്​ വീണതായി സേന മേധാവി പറഞ്ഞു. സി-130 വിമാനത്തിൽ നിന്ന്​ ഇതിനോടകം 40 പേരെ രക്ഷപെടുത്തിയതായി ജനറൽ സിറിലി​റ്റോ സോബെജാന പറഞ്ഞു.

സുലു പ്രവിഷ്യയിലെ ജോലോ ദ്വീപിൽ ഇറങ്ങാൻ ശ്രമിക്കുന്നതിനിടെയാണ്​ അപകടം ഉണ്ടായത്​.രക്ഷാപ്രവർത്തകർ സ്​ഥലത്തെത്തിയതായും കൂടുതൽ പേരെ രക്ഷിക്കാനാകുമെന്നാണ്​ പ്രതീക്ഷയെന്നും സോബെജാന്​ എ.എഫ്​.പിയോട്​ പറഞ്ഞു.

സൈനിക പരിശീലനം പൂർത്തിയാക്കിയ ശേഷം തീവ്രവാദത്തിനെതിരെ പോരാടുന്ന ജോയിൻറ്​ ടാസ്​ക്​ ഫോഴ്​സി​െൻറ ഭാഗമാകാനെത്തിയവരാണ്​ അപകടത്തിൽ പെട്ട യാത്രക്കാരിൽ അധികവും.

അബു സയ്യാഫ്​ അടക്കമുള്ള തീവ്രവാദ സംഘടനകളുടെ സാന്നിധ്യമുള്ള ദ്വീപിൽ ശക്തമായ സൈനിക വ്യൂഹത്തെയാണ്​ സർക്കാർ വിന്യസിച്ചിരിക്കുന്നത്​.