കേരളം
സംസ്ഥാനത്ത് ലോക്ക്ഡൗണ് മേയ് 23 വരെ നീട്ടി
സംസ്ഥാനത്ത് ലോക്ക്ഡൗണ് ഒരാഴ്ച കൂടി നീട്ടാന് തീരുമാനം. മുഖ്യമന്ത്രിയുടെ വാര്ത്താ സമ്മേളനത്തിലാണ് ഇക്കാര്യം അറിയിച്ചു . നിലവിലുള്ള നിയന്ത്രണങ്ങൾ അതേപടി തുടരും. കൊവിഡ് വ്യാപനം രൂക്ഷമായി തുടരുന്ന പശ്ചാത്തലത്തിലാണ് തീരുമാനം. അതേ സമയം രോഗം വ്യാപനം വർധിച്ച 4 ജില്ലകളിൽ ട്രിപ്പിൾ ലോക്ഡൗൺ ആയിരിക്കും.തിരുവനന്തപുരം, തൃശൂർ , എറണാകുളം, മലപ്പുറം എന്നീ ജില്ലകളിൽ 16ന് ശേഷം ട്രിപ്പിൾ ലോക്ക് ഡൗൺ.
പതിനഞ്ചാം തീയതി വരെയാണ് നിലവിലെ ലോക്ക്ഡൗണ്. ലോക്ക്ഡൗണ് പ്രഖ്യാപിച്ചതിനു ശേഷം പ്രതിദിന കേസുകളുടെ എണ്ണത്തില് കുറവുണ്ടായിട്ടില്ല. എന്നാല് വരുംദിവസങ്ങളില് ലോക്ക്ഡൗണിന്റെ ഫലം പ്രതിഫലിക്കുമെന്നാണ് വിദഗ്ധര് കരുതുന്നത്. ലോക്ക്ഡൗണ് നീട്ടുന്നത് ദിവസക്കൂലിക്കാരെയും മറ്റും വല്ലാതെ ബാധിക്കുന്നുണ്ടെന്ന കാര്യം സര്ക്കാരിനു മുന്നിലുണ്ട്. കടുത്ത രോഗവ്യാപനമുള്ള പ്രദേശങ്ങളില് മാത്രം സമ്പൂര്ണ ലോക്ക്ഡൗണ് ഏര്പ്പെടുത്തി മറ്റിടങ്ങളില് മിനി ലോക്ക്ഡൗണിലേക്കു പോവണമെന്ന നിര്ദേശവും സര്ക്കാര് പരിഗണിക്കുന്നുണ്ട്. ലോക്ക്ഡൗണില് ഏതാനും ദിവസം കൊണ്ട് കേസുകള് കുറയുമെന്നു പ്രതീക്ഷിക്കുന്നതില് അര്ത്ഥമില്ലെന്ന് മുഖ്യമന്ത്രി പിണറായി വിജയന് നേരത്തെ തന്നെ വ്യക്തമാക്കിയിരുന്നു. ഏറ്റവും ഉയർന്ന പ്രതിദിനവര്ധനയും മരണങ്ങളും ടെസ്റ്റ് പോസിററിവിറ്റി നിരക്കുമാണ് ഇപ്പോൾ രേഖപ്പെടുത്തുന്നത്.
Also read: https://citizenkerala.com/what-is-triple-lockdown/
നേരത്തെ പ്രഖ്യാപിച്ച വാരാന്ത്യ ലോക്ക്ഡൗണും മിനി ലോക്ക്ഡൗണുമൊന്നും ഫലം കണ്ടില്ല. എറണാകുളം, മലപ്പുറം, കോഴിക്കോട്, തിരുവനന്തപുരം ,തൃശൂര് ജില്ലകളിലാണ് കൊവിഡ് വ്യാപനം നിയന്ത്രണാതീതമാകുന്നത്. സംസ്ഥാനം കൊവിഡ് വ്യാപനത്തിന്റെ ഉച്ചസ്ഥായിലേയ്ക്ക് നീങ്ങുകയാണെന്നും ലോക്ക്ഡൗണ് തുടരണമെന്നുമാണ് വിലയിരുത്തല്. ഓക്സിജന് പാഴാക്കുന്നത് തടയാന് ഡോക്ടറുടെ കുറിപ്പടിയില്ലാതെ ആര്ക്കും ഓക്സിജന് നൽകാന് പാടില്ലെന്ന് ആരോഗ്യവകുപ്പ് മാര്ഗനിര്ദേശം നല്കി. കാറ്റും മഴയും അതിശക്തമാകാന് സാധ്യതയുളളതിനാല് ആശുപത്രികളുമായി ബന്ധപ്പെട്ട് വൈദ്യുതി തകരാര് ഉണ്ടാകാതിരിക്കാന് ജാഗ്രത പാലിക്കാനും നിര്ദേശമുണ്ട്.
വിവിധ വകുപ്പുകൾ വിദഗ്ധ സമിതി യോഗത്തിലാണ് ലോക്ഡൗൺ ഒരാഴ്ച കൂടി നീട്ടണമെന്ന് ആവശ്യം മുന്നോട്ട് വെച്ചത്. ദുരന്ത നിവാരണ വകുപ്പ്, പൊലീസ് അടക്കമുള്ള വകുപ്പുകളാണ് ലോക്ഡൗൺ ഒരാഴ്ച കൂടി നീട്ടാൻ ആവശ്യപ്പെട്ടത്. രോഗവ്യാപനം കൂടിയ ജില്ലകളിൽ ട്രിപ്പിൾ ലോക്ഡൗണും പ്രഖ്യാപിച്ചു. അല്ലാത്തിടത്ത് നിലവിലെ നിയന്ത്രണം തുടരും. മൂന്ന് ആഴ്ച എങ്കിലും ലോക്ഡൗൺ നീട്ടണമെന്നാണ് ആരോഗ്യ വകുപ്പ് ശുപാര്ശ ചെയ്തത്. ഐഎംഎ അടക്കമുള്ളവര് ലോക്ഡൗണ് നീട്ടണമെന്ന് നേരത്തെ ആവശ്യപ്പെട്ടിരുന്നു. സംസ്ഥാനത്ത് രോഗവ്യാപനം രൂക്ഷമാകുകയും ടെസ്റ്റ് പോസിറ്റിവിറ്റി നിരക്ക് ഉയര്ന്ന നിലയില് തുടരുകയും ചെയ്യുന്ന സാഹചര്യത്തിലാണ് ലോക്ഡൗണ് നീട്ടാന് നീക്കമെന്നാണ് ആവശ്യം ഉയരുന്നത്.