ദേശീയം
ആരോഗ്യനില മോശം: ലാലു പ്രസാദ് യാദവിനെ ഡൽഹി എയിംസിലേക്ക് മാറ്റുന്നു
ആരോഗ്യനില മോശമായതിനെ തുടർന്ന് ആർജെഡി നേതാവ് ലാലു പ്രസാദ് യാദവിനെ ഡൽഹി എയിംസിലേക്ക് മാറ്റുന്നു. മകനും ആർജെഡി നേതാവുമായ തേജസ്വി യാദവും കുടുംബവും റാഞ്ചിയിൽ ലാലുവിനൊപ്പമുണ്ട്.
ഇവരും ഡൽഹിയിലേക്ക് ലാലുവിനെ അനുമഗമിക്കും. കാലിത്തീറ്റ കുംഭകോണ കേസിൽ ശിക്ഷിക്കപ്പെട്ട് ജയിലിലായ ലാലു ശ്വാശകോശ അണുബാധയെ തുടർന്ന് റാഞ്ചിയിലെ ആശുപത്രിയിൽ ചികിത്സയിലാണ്. രോഗം വഷളായതോടെയാണ് എയിംസിലേക്ക് മാറ്റുന്നത്.
ജയിലിലെ മെഡിക്കൽ സംഘത്തിന്റെ നിർദേശത്തിന്റെ അടിസ്ഥാനത്തിലാണ് എയിംസിലേക്ക് മാറ്റുന്നത്. 2017 ഡിസംബര് മുതല് ജാര്ഖണ്ഡിലെ ബിര്സാ മുണ്ട ജയിലിലാണ് ലാലു.