Covid 19
രാജ്യത്ത് ഇന്നലെ 35,178 പേർക്ക് കോവിഡ് സ്ഥിരീകരിച്ചു; 440 മരണം
രാജ്യത്ത് ഇന്നലെ 35,178 പേർക്ക് കോവിഡ് സ്ഥിരീകരിച്ചു. ഇതോടെ രോഗബാധിതരുടെ ആകെ എണ്ണം 3,22,85,857 ആയി ഉയർന്നതായി കേന്ദ്ര ആരോഗ്യമന്ത്രാലയത്തിന്റെ കണക്കുകൾ വ്യക്തമാക്കുന്നു. 24 മണിക്കൂറിനിടെ 440 പേരാണ് കോവിഡ് ബാധിച്ച് മരിച്ചത്. മരണസംഖ്യ 4,32,519 ആയി ഉയർന്നു.നിലവിൽ 3,67,415 പേരാണ് ചികിത്സയിൽ കഴിയുന്നത്.
ഇന്നലെ 37,169 പേരാണ് രോഗമുക്തി നേടിയത്. ഇതോടെ രോഗമുക്തരുടെ ആകെ എണ്ണം 3,14,85,923 ആയി ഉയർന്നു. നിലവിൽ 56 കോടിയിലധികം ആളുകൾക്ക് വാക്സിൻ നൽകിയതായി സർക്കാർ കണക്കുകൾ വ്യക്തമാക്കുന്നു. ഇന്നലെ മാത്രം 55,05,075 പേർക്കാണ് വാക്സിൻ നൽകിയത്.
അതേ സമയം ലോകത്ത് കൊവിഡ് ബാധിതരുടെ എണ്ണം 21 കോടിയോട് അടുക്കുകയാണ്. വേൾഡോമീറ്റർ നൽകുന്ന കണക്കനുസരിച്ച് 20.93 കൊവിഡ് രോഗികളാണുളളത്. അതേസമയം 18.93 കോടി ജനങ്ങൾ രോഗമുക്തി നേടി. 24 മണിക്കൂറിനിടെ ലോകമാകെ 6,40,636 പുതിയ കേസുകളാണ് റിപ്പോർട്ട് ചെയ്തത്. 9867 മരണങ്ങളും. ഇതോടെ ഇതുവരെ മരണമടഞ്ഞവർ 43.93 ലക്ഷം പിന്നിട്ടു.