സംസ്ഥാനത്ത് സ്വര്‍ണവില വീണ്ടും 46,000ല്‍ താഴെ; രണ്ടാഴ്ചയ്ക്കിടെ കുറഞ്ഞത് ആയിരം രൂപ

കഴിഞ്ഞ ഏതാനും ആഴ്ചകള്‍ക്ക് ശേഷം സംസ്ഥാനത്ത് സ്വര്‍ണവില ആദ്യമായി 46,000ല്‍ താഴെയെത്തി. ഇന്ന് 240 രൂപ കുറഞ്ഞതോടെയാണ് സ്വര്‍ണവില ഈ മാസത്തെ ഏറ്റവും താഴ്ന്ന നിലവാരത്തിലേക്ക് എത്തിയത്. നിലവില്‍ 45,920 രൂപയാണ് ഒരു പവന്‍ സ്വര്‍ണത്തിന്റെ വില. ഗ്രാമിന് 30 രൂപയാണ് കുറഞ്ഞത്. 5740 രൂപയാണ് ഒരു ഗ്രാം സ്വര്‍ണത്തിന്റെ വില.

ജനുവരി രണ്ടിന് സ്വര്‍ണവില വീണ്ടും 47,000ല്‍ എത്തിയിരുന്നു. എന്നാല്‍ പിന്നീടുള്ള ദിവസങ്ങളില്‍ വില താഴുന്നതാണ് ദൃശ്യമായത്. ഒരു ഘട്ടത്തില്‍ സ്വര്‍ണവില വീണ്ടും മുന്നേറുമെന്ന തോന്നല്‍ സൃഷ്ടിച്ചെങ്കിലും ചൊവ്വാഴ്ച മുതല്‍ വീണ്ടും ഇടിവ് രേഖപ്പെടുത്തുകയായിരുന്നു. നാലുദിവസത്തിനിടെ 500 രൂപയോളം വര്‍ധിച്ച ശേഷമാണ് ചൊവ്വാഴ്ച മുതല്‍ വീണ്ടും വിലയിടിയാന്‍ തുടങ്ങിയത്.