ദേശീയം
വ്യാജ റെംഡിസിവിർ മരുന്ന് വിതരണം; വിഎച്ച്പി നേതാവ് പിടിയില്
വ്യാജ റെംഡിസിവിർ മരുന്ന് വിതരണം ചെയ്ത വിഎച്ച്പി നേതാവ് പിടിയില്. ആശുപത്രി ഡയറക്ടറും വിശ്വഹിന്ദു പരിഷത്ത് നേതാവ് കൂടിയുമായ സരബ്ജിത് സിംഗ് മോഖ അടക്കം നാല് പേരെയാണ് ഇന്ഡോറില് പൊലീസ് പിടികൂടിയത്.
മധ്യപ്രദേശിലെ ഇന്ഡോറില് നിന്ന് 500 റെംഡിസിവിർ ഇന്ജക്ഷനാണ് സരബ്ജിത് സിംഗ് മോഖ ജബല്പൂരിലെ സിറ്റി ഹോസ്പിറ്റലിലേക്ക് വാങ്ങിയത്. ഇത് ആശുപത്രി കൊവിഡ് രോഗികള്ക്ക് നല്കുകയായിരുന്നു. കൊവിഡ് ചികിത്സയില് ഉപയോഗിക്കുന്ന ആന്റി വൈറല് മരുന്നാണ് റെംഡിസിവിർ.
ഇന്ത്യന് ശിക്ഷാ നിയമം 274, 275,308, 420 അടക്കമാണ് ഇവര്ക്കെതിരെ ചുമത്തിയിട്ടുള്ളത്. മോഖയുടെ മാനേജരായ ദേവേന്ദ്ര ചൗരസ്യ, ഫാര്മസ്യൂട്ടിക്കല് കമ്പനി ഡീലറായ സപന് ജെയിന് എന്നിവരാണ് പൊലീസ് പിടിയിലായിട്ടുള്ളത്.
മെയ് 7ന് സപന് ജെയിന്റെ ചുമതലയിലുള്ള റെംഡിസിവിർ നിര്മ്മാണ യൂണിറ്റില് നടന്ന ഗുജറാത്ത് പൊലീസിന്റെ പരിശോധനയിലാണ് വ്യാജമരുന്ന് നിര്മ്മാണം കണ്ടെത്തിയത്.