രാജ്യത്ത് സിഎൻജിയുടെ വില വീണ്ടും കൂട്ടി

രാജ്യത്ത് സിഎൻജിയുടെ വില കൂട്ടി. ഡൽഹിയിൽ കിലോഗ്രാമിന് രണ്ടുരൂപയാണ് വർധിപ്പിച്ചത്. ഡൽഹിയിൽ ഒരു കിലോ സിഎൻജിയുടെ വില 73.61 രൂപയായി. സമീപ നഗരങ്ങളായ നോയിഡയിൽ 76.17 രൂപയാണ് ഒരു കിലോ സിഎൻജിയുടെ വില. ഗുരുഗ്രാമിൽ 81 രൂപ കടന്നു. 81.94 രൂപയാണ് ഗുരുഗ്രാമിൽ സിഎൻജിയുടെ വില.

രേവാരി-84.07 രൂപ, കർണാൽ- 82.27, കൈതൽ- 82.27, കാൻപൂർ, ഹമിർപൂർ, ഫത്തേപൂർ എന്നിവിടങ്ങളിൽ 85.40 രൂപ, അജ്മീർ, പാലി, രാജ്‌സമന്ദ് എന്നിവിടങ്ങളിൽ 83.88 എന്നിങ്ങനെയാണ് വിവിധ നഗരങ്ങളിൽ ഒരു കിലോ സിഎൻജിയുടെ വില.ഒക്ടോബർ മുതൽ സിഎൻജിയുടെ വില വിതരണക്കാർ തുടർച്ചയായി വർധിപ്പിച്ചുവരികയാണ്.