ദേശീയം
ചന്ദ്രനിൽ സൾഫർ സാന്നിധ്യം കണ്ടെത്തി; പരിശോധന തുടർന്ന് ചന്ദ്രയാൻ
![moon images chandrayaan 3](https://citizenkerala.com/wp-content/uploads/2023/08/moon-images-chandrayaan-3.jpg)
ചന്ദ്രനില് സള്ഫറിന്റെ സാന്നിധ്യം സ്ഥിരീകരിച്ച് ചന്ദ്രയാന് 3. ചന്ദ്രോപരിതലത്തില് സഞ്ചരിക്കുന്ന പ്രഗ്യാന് റോവറാണ് ചന്ദ്രനില് സള്ഫറിന്റെ സന്നിധ്യം കണ്ടെത്തിയത്. പ്രഗ്യാന് റോവറിലുള്ള ലേസര് ഇന്ഡസ്ഡ് ബ്രേക്സൗണ് സ്പെക്ട്രോസ്കോപ് (എല്ഐബിഎസ്) എന്ന ഉപകരണം ചന്ദ്രന്റെ ദക്ഷിണധ്രുവത്തിനടുത്തുള്ള ചന്ദ്രോപരിതലത്തില് സള്ഫറിന്റെ സാന്നിധ്യം അസന്ദിഗ്ധമായി സ്ഥിരീകരിച്ചുവെന്ന് ഐഎസ്ആര്ഒ അറിയിച്ചു.
കൂടുതൽ ശാസ്ത്രീയ പരീക്ഷണങ്ങള് തുടരുകയാണെന്നും ഐഎസ്ആര്ഒ വ്യക്തമാക്കി. ചന്ദ്രോപരിതലത്തില് അലുമിനിയം, കാല്സ്യം, ക്രോമിയം, ഇരുമ്പ്, ടൈറ്റാനിയം, സിലിക്കണ്, മഗ്നീഷ്യം, ഒക്സിജന് എന്നീ മൂലകങ്ങളുടെ സാന്നിധ്യവും വെളിപ്പെട്ടിട്ടുണ്ടെന്നും ഐഎസ്ആര്ഒ പറഞ്ഞു.
ഹൈഡ്രജന്റെ സാന്നിധ്യം സംബന്ധിച്ച് പരിശോധനകള് നടന്നുവരികയാണെന്നും ഐഎസ്ആര്ഒ വ്യക്തമാക്കി. ആഗസ്റ്റ് 23നാണ് ചന്ദ്രയാന് 3 ചന്ദ്രോപരിതലത്തില് ഇറങ്ങിയത്.