മരം വെട്ടുന്നതിനിടയിൽ പത്തനംതിട്ടയിൽ തൊഴിലാളി മരത്തിൽ കുടുങ്ങി

മരം വെട്ടുന്നതിനിടയിൽ പത്തനംതിട്ടയിൽ തൊഴിലാളി മരത്തിൽ കുടുങ്ങി. പത്തനംതിട്ട പുത്തൻപീടികയിൽ മരം വെട്ടുന്നതിനിടയിലാണ് കുഞ്ഞുമോൻ എന്ന തൊഴിലാളി മരത്തിൽ കുടുങ്ങിയത്. പെട്ടന്നുണ്ടായ തലചുറ്റലിനെ തുടർന്നാണ് നാരങ്ങാനം സ്വദേശിയായ കുഞ്ഞുമോൻ മരത്തിൽ കുടുങ്ങിയത്.

സംഭവം നാട്ടുകാർ ഉടൻ തന്നെ ഫയർ ഫോഴ്സിനെ വിളിച്ച് അറിയിക്കുകയായിരുന്നു. വിവരം അറിഞ്ഞ് ഉടൻ തന്നെ സ്ഥലത്തെത്തിയ ഫയർ ഫോഴ്സ് കുഞ്ഞുമോനെ രക്ഷപെടുത്തി. മരത്തിൽ നിന്നും താഴെ എത്തിച്ച കുഞ്ഞുമോനെ ആശുപത്രിയിലേക്ക് മാറ്റുകയും ചെയ്ത ശേഷമാണ് ഫയർ ഫോഴ്സ് മടങ്ങിയത്.