ആനി ശിവ വർക്കലയിൽ നിന്നും കൊച്ചിയിലേക്ക്

പ്രതിസന്ധികളെ നിശ്ചയധാർഢ്യം  കൊണ്ട് അടിയറവു പറയിച്ചു കേരളാ പൊലീസിൽ സബ് ഇൻസ്പെക്ട്ടറായി ജോലി നേടി വാർത്തകളിൽ നിറഞ്ഞു ഏതൊരാൾക്കും പ്രചോദനമായ  വര്‍ക്കല സബ് ഇന്‍സ്‌പെക്ടർ ആനി ശിവ എറണാകുളത്തേക്ക് മാറുന്നു.

ഇനി എറണാകുളം സെൻട്രൽ സ്റ്റേഷനിലാണ് കൃത്യനിർവഹണം. ആനി നേരത്തെ നൽകിയ അപേക്ഷ പരിഗണിച്ച് ആണ് ഇപ്പോൾ സ്ഥലംമാറ്റം അനുവദിച്ചത്. കുടുംബം എറണാകുളത്താണന്നും സ്ഥലമാറ്റം വേണമെന്നും ആനി അപേക്ഷിച്ചിരുന്നു. ഈ അപേക്ഷ പരിഗണിച്ചാണ് വർക്കലയിൽ നിന്നും എറണാകുളത്തേക്ക് മാറ്റിയത്.

പ്രണയ വിവാഹവും തുടർന്ന്   ഭർത്താവിനാലും സ്വന്തം വീട്ടുകാരാലും തിരസ്കരിക്കപ്പെട്ട് ആറുമാസം പ്രായമുള്ള കൈക്കുഞ്ഞിനെയും കൊണ്ട് പതിനെട്ടാമത്തെ വയസ്സിൽ തെരുവിലേക്ക് ഇറങ്ങേണ്ടിവന്ന പെൺകുട്ടി 14 വർഷങ്ങൾക്കിപ്പുറം വർക്കല പോലീസ് സ്റ്റേഷനിലെ എസ്.ഐ.ആകുകയും ഇക്കാര്യം ആനി ഫേസ്ബുക്കിലൂടെ പങ്കുവച്ചതും ആണ് പൊതു സമൂഹം ഇരുകൈകളും നീട്ടി സ്വീകരിച്ചു അഭിനന്ദനം അറിയിച്ചുത്.നിമിഷങ്ങൾ കൊണ്ട് ആനി ശിവ ഏവർക്കും പ്രിയപ്പെട്ടവളായി നാനാതുറകളിൽ നിന്നും അഭിനന്ദന പ്രവാഹമായി.

തലചായ്ക്കാൻ ഇടമില്ലാതെ  വിശപ്പടക്കാൻ ഒരു നേരത്തെ ഭക്ഷണമോ ഇല്ലാതെ ആത്മഹത്യാശ്രമങ്ങളിൽ പരാജയപ്പെട്ട് മരിക്കാനുള്ള ഊർജം നഷ്ടപ്പെട്ട പെൺകുട്ടിയുടെ ഉയിർത്തെഴുന്നേൽപ്പിന്റെയും ജീവിതവിജയത്തിന്റെയും പാഠം പകർന്നു  കാഞ്ഞിരംകുളം സ്വദേശിനി കൂടിയായ ആനി ശിവ.

കറിപ്പൗഡറും സോപ്പും വീടുകളിൽ കൊണ്ടുനടന്ന് കച്ചവടം നടത്തി. ഇൻഷുറൻസ് ഏജന്റായി. വിദ്യാർഥികൾക്ക് പ്രൊജക്ടും റെക്കോഡും തയ്യാറാക്കിക്കൊടുത്തു. സാധനങ്ങൾ ബൈക്കിൽ വീടുകളിൽ എത്തിച്ചുകൊടുത്തു. ഉത്സവവേദികളിൽ ചെറിയ കച്ചവടങ്ങൾക്ക് പലരുടെയും ഒപ്പംകൂടി. ഇതിനിടയിൽ കോളേജിൽ ക്ലാസിനുംപോയി സോഷ്യോളജിയിൽ ബിരുദം നേടി.കൈക്കുഞ്ഞിനെയുംകൊണ്ട് പലയിടത്തായി മാസങ്ങളുടെ ഇടവേളയിൽ മാറിമാറിത്താമസിച്ചു. ആൺകുട്ടികളെപ്പോലെ മുടിവെട്ടി. മകൻ ശിവസൂര്യയുടെ അപ്പയായി. ചേട്ടനും അനിയനുമാണെന്ന് പലരും ഒറ്റനോട്ടത്തിൽ കരുതി.

2014-ൽ സുഹൃത്തിന്റെ പ്രേരണയിൽ വനിതകളുടെ എസ്.ഐ. പരീക്ഷ എഴുതാൻ തിരുവനന്തപുരത്തെ പരിശീലന കേന്ദ്രത്തിൽ ചേർന്നു. വനിതാ പോലീസ് തസ്തികയിലേക്കും പരീക്ഷയെഴുതി. 2016-ൽ വനിതാപോലീസായി ജോലി ലഭിച്ചു. 2019-ൽ എസ്.ഐ. പരീക്ഷയിലും വിജയം. പരിശീലനത്തിനുശേഷം 2021 ജൂൺ 25-ന് വർക്കലയിൽ എസ്.ഐ.യായി ആദ്യനിയമനം.

സ്വന്തം ജീവിതത്തെക്കുറിച്ച് ആനി ശിവ ഫെയ്സ്ബുക്കിൽ കുറിച്ചത് ഇങ്ങനെ: ”എങ്ങനെയോ ഭ്രാന്ത് വരാതെ പിടിച്ചു നിന്നവൾ. ഇത്രയൊക്കെ കഷ്ടപ്പെട്ടിട്ടും ദൈവാനുഗ്രഹത്താൽ അവൾ ജീവിതം ഒരു കരയ്ക്ക് എത്തിച്ചപ്പോഴും കുറ്റം പറച്ചിലിനും പഴിപറച്ചിലിനും കഥകൾ ഉണ്ടാക്കലിനും ഒരു പഞ്ഞവും കാണിക്കാത്ത ഈ നാട്ടിൽ ഞാനും മോനും ചേട്ടനും അനിയനുമായി ജീവിച്ചു.ഒരിക്കൽ ഐസ് ക്രീം വിറ്റു നടന്ന മണ്ണിൽ സബ് ഇൻസ്‌പെക്ടർ ആയി ഇതിനപ്പുറം എന്തു റിവഞ്ചാണ്  ഫേസ് ബുക്കിൽ കുറിച്ചത് ഇങ്ങനെ ആയിരുന്നു.

Also read: പതിനെട്ടാം വയസ്സില്‍ കൈക്കുഞ്ഞുമായി തെരുവിലേക്ക്; ഇന്ന് എസ്.ഐ

മനകരുത്തിന്റെ നിശ്ചയ  നിശ്ചയദാർഢ്യത്തിന്റെ പ്രതീകമായ ആനി ശിവ ഇനി കർമ്മ നിരതയാകുക കൊച്ചിയിൽ. അഭിനന്ദനങ്ങൾ