കേരളം
വാട്ട്‌സ്ആപ്പ് കോളുകള്‍ ഇന്നു മുതല്‍ റെക്കോര്‍ഡ് ചെയ്യുമോ? മെസ്സേജുകള്‍ പരിശോധിക്കുമോ?
നാളെ മുതല്‍ വാട്ട്‌സാപ്പ് സര്‍ക്കാര്‍ നിരീക്ഷണത്തിലാണെന്നു പ്രചരിക്കുന്ന വാര്‍ത്തകള്‍ വ്യാജമെന്ന മുന്നറിയിപ്പുമായി കേരള പോലീസ്. വാട്ട്‌സാപ്പ് പുതിയ നയം നടപ്പിലാക്കുകയാണെന്നും ഇതിന്റെ ഫലമായി മെസ്സേജുകള്‍ ഗവണ്‍മെന്റ് നിരീക്ഷണത്തിലാകുമെന്നും കോളുകള്‍ റെക്കോര്‍ഡു ചെയ്യപ്പെടുമെന്നുമുള്ളതരത്തില്‍ വലിയ പ്രചരണങ്ങളാണ് സമൂഹ മാധ്യമങ്ങളില്‍ നടക്കുന്നത്.
വാട്ട്‌സാപ്പ് മാത്രമല്ല, മറ്റു സോഷ്യല്‍ മീഡിയ പ്ലാറ്റ്‌ഫോമുകളായ ഫേസ്ബുക്ക്, ഇന്‍സ്റ്റഗ്രാം, ട്വിറ്റര്‍ മുതലായവയ്‌ക്കെതിരെയും ഇത്തരത്തിലുള്ള വ്യാജ സന്ദേശങ്ങള്‍ പ്രചരിക്കുന്നുണ്ട്.
സന്ദേശങ്ങള്‍ വാട്ട്‌സാപ്പുകള്‍ വഴിയാണ് കൂടുതലായും പ്രചരിക്കുന്നത്. സന്ദേശത്തില്‍ സംശയം പ്രകടിപ്പിച്ച് ആളുകള്‍ രംഗത്തെത്തിയതോടെയാണ് ഇതിനു പിന്നിലെ സത്യാവസ്ഥയുമായി പോലീസ് എത്തുന്നത്. നിലവില്‍ പ്രചരിക്കുന്ന വാര്‍ത്തകള്‍ വ്യാജമാണെന്നും വിശ്വനീയമായ ഉറവിടം വ്യക്തമാക്കാത്ത ഇത്തരം സന്ദേശങ്ങള്‍ പ്രചരിപ്പിക്കരുതെന്ന മുന്നറിയിപ്പും പോലീസ് നല്‍കുന്നു.
എന്നാൽ സന്ദേശങ്ങൾ സർക്കാർ നിരീക്ഷിക്കുന്നുണ്ടെന്നും നടപടിയെടുക്കും എന്നുള്ള പ്രചാരണങ്ങൾ വ്യാജമാണെന്ന് കേന്ദ്രസർക്കാരിന്റെ പ്രസ് ഇൻഫർമേഷൻ ബ്യൂറോ ഫാക്ട് ചെക്കിന്റെ അറിയിച്ചിട്ടുണ്ടെന്ന് പൊലീസ് വ്യക്തമാക്കി. ആശങ്ക വേണ്ടെന്നും കൂട്ടിച്ചേർത്തു.
https://www.facebook.com/keralapolice/posts/3591339070961556
